Рым рыхтуецца да Юбілею 2025 года праз буйныя інвестыцыі
Аляксандр Амяльчэня - Vatican News
Гаворка ідзе ў тым ліку пра рэканструкцыю і адкрыццё выключна для пешаходаў П'яца Піа, плошчы размешчанай паміж замкам Сан-Анджэла і вуліцай Канчыліацыёне, побач з штаб-кватэрай Дыкастэрыі па камунікацыі.
Праект і змены, якія адбудуцца ў гэтай сферы, публічна прадставілі мэр Вечнага Горада і надзвычайны камісар Раберта Гуальцьеры, прадстаўнік італьянскага ўрада Альфрэда Мантавана і арцыбіскуп Рына Фізікела, дэлегат Папы Францішка па арганізацыі Юбілею 2025 года.
Новая вялікая пешаходная прастора дазволіць злучыць раён замка Сан-Анджэла з базілікай святога Пятра, адначасова гарантуючы пешаходам бяспечнае выкарыстанне тэрыторыі і разгружаючы рух за кошт стварэння новага тунэлю, які злучыцца з ужо існуючым уздоўж Лунгатэвэрэ ін Сасіа.
Работы пачнуцца 21 жніўня 2023 года і завершацца да 8 снежня 2024 года. У першай дэкадзе жніўня пачнуцца першыя змены ў дарожнай сетцы. Яны закрануць таксама лініі грамадскага транспарту і пад'езд да плошчы святога Пятра.
