Пошук

Пошук

Пошук

beБеларуская
Францішак падчас Імшы на плошчы святога Марка ў Венецыі Францішак падчас Імшы на плошчы святога Марка ў Венецыі 
ПАПА

Святы Айцец прасіў Багародзіцу заступіцца за спакутаваных

Як і кожную нядзелю, Францішак прасіў заступніцтва Багародзіцы ў тых краінах і месцах, дзе людзі спазнаюць найбольшыя пакуты. 28 красавіка 2024 года ён маліўся Regina Caeli з вернікамі, сабранымі на плошчы святога Марка ў Венецыі.

Аляксандр Амяльчэня - Vatican News

Папа згадаў Гаіці, “дзе дзейнічае надзвычайнае становішча, а насельніцтва знаходзіцца ў роспачы з прычыны краху сістэмы аховы здароўя, недахопу харчавання і насілля, якое прымушае людзей бегчы”.

“Мы даручаем Богу справы і рашэнні новай Пераходнай прэзідэнцкай рады, якая пачала працу ў мінулы чацвер у Порт-о-Прэнсе, каб пры новай падтрымцы міжнароднай супольнасці яна магла прывесці краіну да міру і стабільнасці, так патрэбных сёння”, - сказаў Святы Айцец.

Ён прызнаўся, што не перастае думаць пра змучаную Украіну, Палесціну і Ізраіль, пра рахінджа і многія іншыя народы, якія пакутуюць ад войнаў і насілля. “Няхай Бог міру асвятляе сэрцы, каб у кожным узрастала жаданне дыялогу і паяднання”, - звярнуўся Францішак падчас заключнага набажэнства свайго пастырскага візіту ў Венецыю.
 

Тэмы
28 красавіка 2024, 12:37

“Уладарка неба” – гэта старажытная малітва, якая прамаўляецца тройчы на працягу дня – раніцай, апоўдні і вечарам, – на ўспамін таямніцы Уцелаўлення.

Кожную нядзелю і ўрачыстасць у Велікодны перыяд Папа сустракаецца з вернікамі апоўдні, каб разам памаліцца яе словамі. Звычайна перад гэтым ён звяртаецца да сабраных з кароткім разважаннем, натхнёным літургічнымі чытаннямі, якія Касцёл прызначае на гэты дзень.

Мінулая марыйная малітва

Увесь кантэнт >

Малітва з Папам

Regina Coeli

Regina coeli, laetare, alleluia.
Quia quem meruisti portare, alleluia.
Resurrexit, sicut dixit, alleluia.
Ora pro nobis Deum, alleluia.

V. Gaude et laetare, Virgo Maria, alleluia.
R. Quia surrexit Dominus vere, alleluia.

Oremus:

Deus, qui per resurrectionem Filii tui Domini nostri Iesu Christi mundum laetificare dignatus es, praesta, quaesumus, ut per eius Genetricem Virginem Mariam perpetuae capiamus gaudia vitae.
Per eundem Christum Dominum nostrum. Amen.

Уладарка неба

Уладарка неба, усцешся, аллелюя.
Бо той, каго пад сэрцам насіла, аллелюя,
Уваскрос Ён, як прадказваў, аллелюя.
Богу за нас маліся, аллелюя.

С.: Весяліся і радуйся, Панна Марыя, аллелюя,
Н.: Бо ўваскрос Пан праўдзіва, аллелюя.

Молімся:

Божа, Ты праз уваскрасенне Твайго Сына, Пана нашага Езуса Хрыста,напоўніў свет радасцю,
учыні, просім, каб праз заступніцтва Яго Маці, Панны Марыі,мы атрымалі радасць вечнага жыцця.
Праз Хрыста, Пана нашага. Амэн.