Пошук

Vatican News
Папа падчас запісу відэа да ўдзельнікаў Місійнага Кангрэса Інданезіі Папа падчас запісу відэа да ўдзельнікаў Місійнага Кангрэса Інданезіі 

Папа прывітаў удзельнікаў Місійнага Кангрэса Інданезіі

Натхнёныя Духам Святым, заўсёды ідзіце наперад: Францішак скіраваў адмысловы відэазварот да ўдзельнікаў Нацыянальнага Місійнага Кангрэса Інданезіі на тэму “Ахрышчаны і высланы”.

Чатырохдзённы форум распачаў сваю працу 1 жніўня 2019 г. у Джакарце.

Папа заахвоціў сваіх слухачоў добра падумаць над тэмай Кангрэса. “Калі мы ахрышчаныя, то атрымліваем Духа Святога, які ёсць скарбам; атрымліваем пасланне Езуса, Евангелле ўнутры нас”, - заўважыў Пантыфік.

“Калі хтосьці мае цудоўную рэч і захапляецца ёю, то адчувае жаданне несці яе далей і даваць іншым. Ахрышчаны і высланы: дзве гэтыя рэчы павінны быць пуцяводнай ніткай гэтага Кангрэса”, - працягнуў Святы Айцец.

Папа запрасіў удзельнікаў форуму задумацца над тым, як кожны з іх перажывае свой хрост – як у асабістым жыцці, так і ў грамадскім, як “сацыяльная закваска”, як той, хто пашырае пасланне Езуса...

“Ахрышчаны і высланы: не забывайце гэтага ніколі! Хрысціянін заўсёды ідзе наперад (…). Калі хтосьці ідзе назад, ён не хрысціянін. Хрысціянін ідзе наперад, гэта і значыць “высланы”: Дух Святы штурхае мяне рухацца наперад. Так, адважна, наперад, заўсёды наперад”, - заклікаў Францішак.

Відэапасланне Папы трансліравалася падчас цырымоніі адкрыцця Нацыянальнага Місійнага Кангрэса Інданезіі.

Навіна ў фармаце аўдыё
01 жніўня 2019, 14:00