Papa amemteua Padre John Kiplimo Lelei kuwa Askofu msaidizi wa Eldoret,Kenya
Na Angella Rwezaula – Vatican.
Jumatano tarehe 24 Machi 2024, Baba Mtakatifu amemteua Askofu Msaidizi wa Jimbo la katoliki la Eldoret nchini Kenya, Mheshimiwa sana Padre John Kiplimo Lelei, wa Jimbo hilo la Eldoret, ambaye hadi uteuzi huo alikuwa ni makamu Jimbo hilo na kupewa makao ya Monte ya Numidia.
Nyadhifa na masomo
Padre John Kiplimo Lelei alizaliwa mnamo tarehe 15 Agosti 1958 huko Soy, katika Jimbo katoliki la Eldoret. Alisoma falsafa katika Seminari Kuu ya Mtakatifu Agustino huko Mabanga na Taalimungu katika Seminari Kuu ya Mtakatifu Thomas Aquinas jijini Nairobi. Alipewa daraja Takatifu la Upadre mnamo tarehe 26 Oktoba 1985 kwa ajili ya Jimbo la Eldoret. Alishikilia nyadhifa mbali mbali pamoja na kuendelea na masomo zaidi: Shahada ya Uzamivu katika Taalimungua, aliyebobea katika Liturujia, katika Chuo Kikuu ha Wien(Viena Austria); Paroko wa Parokia ya Suwerwa na Chepterit (1985-1987); Paroko wa Parokia ya Yamumbi, Suwerwa, Chepterit na Tachasis, na Makamu wa Forane wa Dekania ya Kitale na Nandi (1987-1996);
Mhesmiwa Padew Lelei aidha amekuwa mshiriki Parokia ya Mtakatifu Brigitta na Zum Gottlichen Erloser, katika Jimbo kuu la Vienna (1996-2002); Paroko wa Parokia ya Mtakatifu Patrick huko Kapcherop (2002-2003); Paroko wa Parokia ya Mtakatifu Boniface huko Tindinyo (2003-2007); Mwalimu katika Taasisi ya Kichungaji ya AMECEA ya Gaba (2003-2004); Taasisi ya Mafunzo ya Maendeleo huko Kobujoi (2004-2009) na katika Seminari Kuu ya Mtakatifu Matthias Mulumba-Tindinyo (2003-2008); Paroko wa Parokia ya Mtakatifu Petro huko Kapsabet (2007-2008); Mwalimu na mkufunzi katika Seminari Kuu ya Mtakatifu Matthias Mulumba iliyopo Tindinyo (2008-2017); Mkuu wa Seminari Kuu ya Mtakatifu Thomas Aquinas jijini Nairobi (2017-2023). Na hadi uteuzi alikuwa makamu wa Jimbo la Eldoret.
