Papa amekutana na Rais Nikos wa Cyprus
Vatican News
Tarehe 24 Novemba 2023, Baba Mtakatifu Francisko alikutana mjini Vatican katika nyumba ya Kitume na Bwana Nikos Christodoulides, Rais wa Jamhuri ya Cyprus, ambaye baadaye alikutana na Kardinali Pietro Parolin, Katibu wa Vatican akifuatana na Monsinyo Daniel Pacho, Katibu Msaidizi wa Vatican wa Sekta ya Kimataifa ya Kitengo cha Mahusiano na mataifa na mashirika ya kimataifa.
Wakati wa majadiliano ya ukarimu katika Sekretarieti ya Serikali, shukrani ilioneshwa kwa mahusiano mazuri kati ya nchi mbili, pia kutaja baadhi ya masuala ya wazi katika mahusiano ya Kanisa na Vatican. Kisha waliakisi baadhi ya changamoto za sasa za nchi, zikiwemo za wahamiaji. Wakati mazungumzo hayo yakiendelea, kulikuwa na kubadilishana mawazo kuhusu hali ya kimataifa, kwa kuzingatia hasa migogoro inayoendelea, ikiwemo ya Israel na Palestina.
