Mkate kwa ajili ya Papa,zawadi ya Wahungaria kwa kumkaribisha

Na Angella Rwezaula, - Vatican.

Tarehe 25 Aprili, ilikuwa ni Sikukuu ya Mtakatifu Marko Mwinjili ambapo , Kanisa la Hungaria kiutamaduni hubariki ngano. Na hasa katika siku hiyo utengenezaji wa mkate ambao utafanywa katika makao makuu ya Baraza la Maaskofu wa Hungaria kabla ya kuwasili kwa Papa uliwasilishwa kwa vyombo vya habari. Kata Sümeghy alileta unga uliotiwa chachu kutoka nyumbani na akatengeneza kwa mkono wa mtaalam. Katika familia yake, wamekuwa wakitengeneza mkate nyumbani kwa miaka mitatu.

Mtengeneza mkate kwa ajili ya zawadi ya Papa

Matunda ya kazi inayompa mtu heshima

Mkate huo unaashiria kukaribishwa kwa Baba Mtakatifu, nchini Hungaria kama  ishara rahisi lakini yenye maana, ishara ya kukaribishwa kwa watu. "Tungependa uionje," alisema Kata Sümeghy, afisa habari wa Baraza la Maaskofu wa Hungaria, ambaye kwa miaka kumi iliyopita alifanya masomo yake katika Chuo Kikuu cha Kipapa cha Msalaba Mtakatifu, ambapo, kupitia Kardinali almoner Konrad Krajewski, alipata msaada wa Papa. Sasa ni yeye ambaye anamshukuru Papa kwa ishara ya mkate.

Maandalizi ya Mkate yalivyokuwa

Kazi ya pamoja

Monsignor Tamás Tóth, mratibu mkuu wa ziara ya upapa ameeleza kuwa  Sümeghy - alimuomba aweze kuandaa mkate kwa ajili ya Papa Francisko, ambao utakabidhiwa kwake tarehe 28  Aprili 2023 mara baada ya kuwasili kwake jijini Budapest, na vijana wawili waliovaa nguo za kiutamaduni. Mkate huo utaandaliwa kwa  kwa njia ya jadi ya chachu na ina unga, maji na chumvi tu. Mkate huo ni maalum kwa sababu ni matokeo ya kazi ya pamoja ya kweli, shukrani kwa wafanyakazi wa Baraza la Maaskofu ambao walitoa viungo na vyombo vya kuutumikia.

Mapokeo

Katika Bara la Ulaya ya Kati ni desturi kumkaribisha Mrithi wa Petro kwa zawadi hiyo: pia ilitokea mnamo mwaka wa 2021 huko Bratislava wakati wa ziara ya Papa Francisko huko Slovakia. Msimamizi wa  mkate na kazi ni Mtakatifu  Cayetano (Mtakatifu Cajetan wa Thiene), ambaye ameheshimiwa kwa muda mrefu huko Argentina pia. Jorge Mario Bergoglio (Papa Francisko) anahusishwa na mtakatifu, kama Kadinali aliadhimisha Misa huko Buenos Aires siku ya sikukuu yake katika Madhabahu yake . Na Papa Francisko mara kadhaa amekuwa akisema kwamba “kupelekea  mkate nyumbani, matunda ya kazi, humpatia mtu hadhi.”