Tafuta

Vatican News
CLIMATE-CHANGE/ADAPTATION CLIMATE-CHANGE/ADAPTATION 

Mabadiliko ya Tabianchi-Kard.Parolin:Fursa ya kuwa na mitindo mipya ya maendeleo

Kardinali Parolin,Katibu wa Vatican amehutubia kwa njia ya video kwa niaba ya Papa Francisko katika ufunguzi wa Mkutano wa kukabiliana na tabianchi 2021. Mkakati wa kimataifa unahitajika kupunguza athari mbaya za mabadiliko ya tabianchi na kuimarisha uthabiti kati ya maskini,walio katika hatari zaidi kwa sababu wana uwezo mdogo wa kuzoea,ametoa ushauri.

Na Sr. Angela Rwezaula – Vatican.

Jibu la mabadiliko ya tabiachi ili kuzuia matokeo ya madhara makubwa na kuweza kuzoea ndiyo fursa ya kuhamasisha mtindo mpya wa maendeleo ambayo yanaboresha hali za maisha, afya, usalama wa wote na kuunda fursa mpya za kazi. Ameomba hayo kwa niaba ya Papa Francisko Katibu wa Vatican, Kardinali Pietro Parolin, wakati wa hotuba yake kwa njia ya video katika ufunguzi wa Mkutano wa kimataifa  Mabadiliko ya tabia nchi 2021, ambao unafanyika kwa njia ya mtandao kutokea Holland, tarehe 25 na 26 Januari 2021. Kardinali ametoa salam za  Baba Mtakatifu Francisko, na kuwahakikishia ukaribu wake, msaada na kutiwa moyo katika siku hizi za juhudi kubwa ya matokeo mazuri wa Mkutano huu wa Kukabiliana na Hali ya Hewa. Aidha amesema jinsi ambavyo wote wanajua kuwa mabadiliko ya tabianchi ni shida ya ulimwengu na athari kubwa: mazingira, kijamii, kiuchumi, kisiasa, na kwa usambazaji wa bidhaa. Inawakilisha moja ya changamoto kuu zinazokabili ubinadamu wa siku zetu.

Kardinali Parolin amesema kuwa takwimu za kisayansi zilizopo zinaonesha wazi hitaji la haraka na  hatua za haraka, katika muktadha wa maadili, usawa na haki ya kijamii. Mpito wa kupunguzwa kwa uzalishaji wa gesi chafuzi ni shida sio tu katika uwanja wa teknolojia, lakini pia suala la mitindo ya matumizi, elimu, na mitindo ya maisha. Kwa njia hiyo kupunguzwa kwa uzalishaji wa gesi chafuzi na shughuli za kupunguza ni muhimu lakini haitoshi. Mipango hii ni ya ziada kwa ahadi hizo zinazozingatia kuimarisha mabadiliko na uthabiti. Hii  ni sharti la kimaadili na kibinadamu, hasa athari mbaya zaidi za mabadiliko ya tabianchi  mara nyingi huathiri walio katika mazingira magumu zaidi kama vile maskini na vizazi vijavyo. Wakati maskini ndio wahusika kidogo wa kusababisha ongezeko la joto duniani, lakini ndiyo walio wa kwanza kuathiriwa zaidi, kwani wana uwezo mdogo wa kubadilika na mara nyingi wanaishi katika maeneo ya kijiografia ambayo yako katika hatari zaidi.

Shughuli za kupunguza ukamilifu na marekebisho zinahitaji kuwa na mkakati wa muda mrefu wa ulimwengu na unaoshirikishwa kulingana na ahadi sahihi, inayoweza kufafanua na kukuza mtindo mpya wa maendeleo na kujengwa kwa dhamana ya ushirikiano kati ya mapambano dhidi ya mabadiliko ya tabianchi na mapambano dhidi ya umaskini. Hakuna kinachoweza kutekelezwa kwa kufanya kazi peke yake. Janga la Covid-19 linafundisha vizuri sana. Amesisitiza Kardinali Parolin.  Kama ilivyoelezwa na Baba Mtakatifu Francisko katika (Baraza Kuu la Umoja wa Mataifa (UNGA) mwezi Septemba mwaka jana kuwa  “tunakabiliwa na uchaguzi kati ya njia mbili zinazowezekana.

Njia moja inaongoza katika ujumuishaji wa pande nyingi kama usemi wa hali mpya ya uwajibikaji wa ulimwengu, mshikamano unaozungukia haki na kupatikana kwa amani na umoja ndani ya familia ya wanadamu, ambao ni mpango wa Mungu katika ulimwengu wetu. Njia nyingine inasisitiza kujitosheleza, utaifa, kujilinda, ubinafsi na kujitenga […] ambayo kwa hakika itakuwa mbaya katika jamii nzima, ikisababisha kujeruhiwa kwa kila mtu. Kwa maana hiyo haipaswi kushinda”.

Shughuli za kupunguza na kukabiliana kwa nguvu zimeunganishwa sana na mtazamo huu mara mbili. Wanaomba ushirikiano wa nguvu zaidi wa kimataifa uliowekwa kwa maendeleo endelevu ya kaboni, na vile vile kuwekeza katika kuimarisha teknolojia na uthabiti, na kuzihamisha chini ya hali nzuri, hasa katika nchi zilizo hatarini zaidi. Kardinali ameomba watengeneza nafasi za majibu ya  mabadiliko ya tabianchi  ili kuboresha hali ya maisha kwa ujumla, afya, uchukuzi, nishati na usalama, na kwa kuunda fursa mpya za kazi.

Kazi hii ni ngumu sana lakini wanajua kwamba wana uhuru, akili na uwezo wa kuongoza na kuelekeza teknolojia na kuiweka katika huduma ya aina nyingine ya maendeleo ambayo ni moja ya kibinadamu zaidi, ya kijamii na fungamani. Amesisitiza kwamba wanapaswa kuonesha pia kwamba ipo dhamira ya kisiasa na msukumo wa kuendeleza shughuli hii kwenda mbele.  “Tupo mbele ya changamoto kubwa kwa faida na wema wa wote. Hatuna njia mbadala isipokuwa kufanya kila juhudi kutekeleza jibu la pamoja la kuwajibika, ambalo halijawahi kutokea, lililokusudiwa kufanya kazi pamoja ili kujenga nyumba yetu ya pamoja”. Kwa niaba ya Baba Mtakatifu Francisko, Kardinali ameelezea matashi mema kwa kazi ya Mkutano huu wa Mabadiliko ya tabia nchi, akitumaini kuwa utazaa matunda na mafanikio.

26 January 2021, 09:58