Երկու վեհափառ հայրապետներուն միջեւ խորհրդակցութիւնները կը շարունակուին

Երէկ Արամ Ա. կաթողիկոս Մեծի Տանն Կիլիկիոյ կապ հաստատելով Գարեգին Բ. Ամենայն հայոց կաթողիկոսին հետ` իր ամբողջական զօրակցութիւնը յայտնեց ժամեր առաջ Գերագոյն հոգեւոր խորհուրդին կողմէ հրապարակուած յայտարարութեան գծով` Հայաստանի մէջ ստեղծուած կացութեան առնչուած:

Վեհափառ հայրապետները տեսակէտներու փոխանակում ունեցան Հայաստանը դիմագրաւող ներկայ տագնապներուն շուրջ, մասնաւորաբար Տաւուշի մարզին մէջ ստեղծուած կացութեան լոյսին տակ: Անոնք որոշեցին շարունակել իրենց խորհրդակցութիւնները` շեշտելով հայ եկեղեցւոյ առանցքային դերակատարութիւնը հայ ժողովուրդը եւ Հայաստանը յուզող տագնապներու յաղթահարման գծով:

Աղբիւրը՝ Ազդակ