Միշել. «Ուքրանիոյ ճակատագիրը Եւրոպական Միութեան մէջ է»
Ուքրանիոյ նախագահ Վոլոտիմիր Զելենսքի զրուցած է Եւրոպական խորհուրդի նախագահ Շարլ Միշելի հետ, շնորհակալութիւն յայտնած Եւրոպական Միութեան աջակցութեան, ներառեալ Ռուսիոյ դէմ պատժամիջոցներու 13-րդ թղթածրարը հաստատելու համար:
«Մենք նաեւ վերահաստատեցինք Ուքրանիոյ` Եւրոպական Միութեան անդամակցութեան շուրջ բանակցութիւններու արագ մեկնարկի կարեւորութիւնը, ինչպէս համաձայնուած էր անցեալ դեկտեմբերին», ըսած է Ուքրանիոյ նախագահը:
Եւրոպական խորհուրդի ղեկավարը իր կարգին ընդգծած է Եւրոպական Միութեան կողմէ ֆինանսական եւ զինուորական «երկաթեայ աջակցութիւն»-ը Ուքրանիոյ` «այնքան ժամանակ, որ ատոր կարիքը ըլլայ»:
«Ռուսիան երբեք պիտի չկարենայ մարել Ուքրանիոյ մէջ ժողովրդավարութեան բոցը: Ուքրանիոյ ճակատագիրը Եւրոպական Միութեան մէջ է», աւելցուցած է ան:
Աղբիւրը՝ Ազդակ
Շնորհակալութիւն յօդուածը ընթերցելուն համար։ Եթէ կը փափաքիս թարմ լուրեր ստանալ կը հրաւիրենք բաժանորդագրուիլ մեր լրաթերթին` սեղմելով այստեղ
