Պաքու Յայտարարեց «Զանգեզուրի միջանցք»ին մէջ անցակէտեր հաստատելու մտադրութեան մասին

Պաշտօնական Պաքուն յայտարարեց «Զանգեզուրի միջանցք»ին մէջ անցակէտերու ստեղծման ուղղութեամբ տարուող աշխատանքներուն մասին: Այսօր նման յայտարարութեամբ հանդէս եկաւ Ատրպէյճանի պետական մաքսային ծառայութեան ղեկավար Շահին Պաղիրով:

«Ատրպէյճանի կառավարութիւնը կ՛աշխատի «Զանգեզուրի միջանցքը» շահագործման յանձնելու ուղղութեամբ: Պետական մաքսային ծառայութիւնը եւս կը մասնակցի այդ աշխատանքներուն: Այժմ մենք կ՛աշխատինք «Զանգեզուրի միջանցք»ին մէջ անցակէտերու ուղղութեամբ», յայտարարեց ատրպէյճանցի պաշտօնեան:

Աղբիւրը՝ Ասպարէզ