Գալուստ Կիւլպէնկեան Հիմնարկութեան կոչը անյապաղ ազատ արձակելու Ատրպէյճանի իշխանութիւններուն կողմէ ձերբակալուած բոլոր բանտարկեալները
Արցախի մարդասիրական ծանր ճգնաժամի պայմաններուն, տասնեակ հազարաւոր բնիկ արցախցիներ ստիպուած եղան փախչիլ Հայաստան, ականատես ըլլալով իրենց միջազգայնօրէն ճանչցուած մարդու իրաւունքներու կոպիտ ոտնահարումին եւ խախտումին: Անմեղ մարդիկ կորսնցուցին իրենց ամենօրեայ կեանքը, իրենց տուներն ու հայրենիքը: Միջազգային հանրութիւնը անյապաղ քայլեր պէտք է ձեռնարկէ հակազդելու այս ճգնաժամին:
Տեղի ունեցող ձերբակալութիւններն ու հետապնդումները յստակօրէն ցոյց կու տան Արցախի հայութեան կեանքի իրաւունքի եւ անվտանգութեան իրաւունքի խախտումը։
Գալուստ Կիւլպէնկեան Հիմնարկութիւնը կոչ կ՚ընէ անյապաղ ազատ արձակել Ատրպէյճանի իշխանութիւններուն կողմէ ձերբակալուած բոլոր բանտարկեալները։ Հիմնարկութիւնը ուշադրութեամբ կը հետեւի իրավիճակին եւ կը զօրակցի Արցախի բռնի տեղահանուած ժողովուրդին. Հիմնարկութիւնը շուտով պիտի յայտարարէ ճգնաժամը մեղմելու իր ձեռնարկած միջոցներուն մասին։
Ժամանում Գորիսի մարդասիրական կեդրոն. 27 սեպտեմբեր 2023։ Լուսանկարի հեղինակ՝ Ռուբինա Մարկոսեան։
Շնորհակալութիւն յօդուածը ընթերցելուն համար։ Եթէ կը փափաքիս թարմ լուրեր ստանալ կը հրաւիրենք բաժանորդագրուիլ մեր լրաթերթին` սեղմելով այստեղ
