Հենրիք Մխիթարեանի կոչը ազատ արձակելու «խաղաղութեան բացայայտ ջատագով» Ռուբէն Վարդանեանը
«Միանում եմ իմ հայրենակիցներին՝ պահանջելով անվտանգ կերպով ազատ արձակել Ռուբէն Վարդանեանին և Ադրբեջանում կալանաւորուած միւս բոլոր հայերին»։ Այս մասին X-ի (նախկին Թուիթըր) իր ցանցային կայքին վրայ գրած է Հայաստանի հաւաքականի նախկին աւագ, Միլանի «Ինթերի» 34-ամեա հայ կիսապաշտպան Հենրիք Մխիթարեանը։
«Քանի որ տասնեակ հազարաւոր ընտանիքներ փախչում են Լեռնային Ղարաբաղից Հայաստանում անվտանգ ապաստան ստանալու համար, կալանաւորումները տագնապալի միտում են դառնում» աւելցուցած է Ան ։
«Ռուբէն Վարդանեանն աչքի է ընկնում որպէս խաղաղութեան բացայայտ ջատագով ոչ միայն մեր տարածաշրջանում, այլեւ ամբողջ աշխարհում։ Նա աշխարհահռչակ բարերար է, գործարար և «Ավրորա» մարդասիրական նախաձեռնութեան համահիմնադիրը, որը խաղաղութիւն է քարոզում և ամբողջ աշխարհում բազմաթիւ մարդկանց տրամադրում կրթութիւն և առողջապահութիւն»,- գրած է Մխիթարեանը։
Շնորհակալութիւն յօդուածը ընթերցելուն համար։ Եթէ կը փափաքիս թարմ լուրեր ստանալ կը հրաւիրենք բաժանորդագրուիլ մեր լրաթերթին` սեղմելով այստեղ
