Տեղի ունեցած է համահայկական խաղերու համաշխարհային կոմիտէի գործադիր կոմիտէի նիստ
Համահայկական ամառնային 8-րդ խաղերը պիտի սկսին 5 օգոստոս 2023-ին. բացման արարողութիւնը տեղի պիտի ունենայ Գիւմրիի մէջ:
Համահայկական խաղերու համաշխարհային կոմիտէի գործադիր կոմիտէի նիստի ժամանակ այս մասին ըսաւ Համահայկական խաղերու համաշխարհային կոմիտէի նախագահ Իշխան Զաքարեան:
Գործադիր կոմիտէի նիստին կը մասնակցէին համահայկական խաղերու համաշխարհային կոմիտէի փոխնախագահներ Ալպերթ Պոյաճեանը (Միացեալ Նահանգներ) Ստեփան Տէր Պետրոսեանը (Լիբանան), Ռոլանտ Շառոյեանը (Հայաստան), գործադիր կոմիտէի անդամները աշխարհի տարբեր երկիրներէն:
«Համահայկական խաղերը մեր միասնութեան ու համախմբման խորհրդանիշն են: Այս պահուն մասնակցութեան հազարաւոր դիմումներ ունինք ե՛ւ արտերկրէն, ե՛ւ Հայաստանէն: Կամաւորական խումբերը նոյնպէս պատրաստ են, այս պահուն կայ շուրջ 1150 կամաւոր, որոնք պիտի օգնեն խաղերը կազմակերպելու հարցին մէջ», ըսաւ Զաքարեան:
Աղբիւրը` Ազդակ
Շնորհակալութիւն յօդուածը ընթերցելուն համար։ Եթէ կը փափաքիս թարմ լուրեր ստանալ կը հրաւիրենք բաժանորդագրուիլ մեր լրաթերթին` սեղմելով այստեղ