Հայաստանի մնայուն բնակչութեան թիւը 2 միլիոն 928 հազար 914 Է
«Արմէնփրէս»ը կը հաղորդէ, որ ըստ Հայաստանի մէջ նախորդ տարի կատարուած մարդահամարի մը արդիւնքներուն ՝ Հայաստանի մնայուն բնակչութեան թիւը 2022ի Հոկտեմբերի դրութեամբ՝ 2 միլիոն 928 հազար 914 է: Այս թիւին մէջ ներառուած են նաեւ մարդիկ, որոնք Հայաստանի մէջ կը բնակին, սակայն մարդահամարի պահուն մինչեւ մէկ տարի ժամկէտով բացակայած են Հայաստանէն:
Ըստ Վիճագրական կոմիտէի հրապարակած նախնական տուեալներուն՝ ներկայ բնակչութեան թիւը 2 միլիոն 638 հազար 917ն է:
Հայաստանի մէջ մարդահամարներ կատարուած են նաեւ 2001ին եւ 2011ին:
Ըստ 2001ի մարդահամարի տուեալներուն՝ Հայաստանի մնայուն բնակչութեան թիւը 3 միլիոն 213 հազար 11 էր, իսկ ներկայ բնակչութեան թիւը` 3 միլիոն 2 հազար 598:
Իսկ ըստ 2011ի մարդահամարի տուեալներուն` Հայաստանի մնայուն բնակչութեան թիւը 3 միլիոն 18 հազար 854 է, իսկ ներկայ բնակչութեան թիւը` 2 միլիոն 871 հազար 771:
Շնորհակալութիւն յօդուածը ընթերցելուն համար։ Եթէ կը փափաքիս թարմ լուրեր ստանալ կը հրաւիրենք բաժանորդագրուիլ մեր լրաթերթին` սեղմելով այստեղ
