Իտալիոյ Արտաքին Գործոց Նախարարը այցելեց Հայոց Ցեղասպանութեան զոհերու յուշահամալիր
Աշխատանքային այցելութեամբ Հայաստան գտնուող Իտալիոյ արտաքին գործոց եւ միջազգային համագործակցութեան նախարար Լուիճի տի Մայոն այցելեց Ծիծեռնակաբերդի բարձունք` յարգանքի տուրք մատուցելու Հայոց ցեղասպանութեան զոհերու յիշատակին:
Նախարարը ծաղկեպսակ զետեղեց Մեծ եղեռնի անմեղ զոհերու յուշակոթողին մօտ եւ ծաղիկներ խոնարհեց անմար կրակին մօտ:
Իտալիոյ արտաքին գործոց եւ միջազգային համագործակցութեան նախարար Լուիճի տի Մայոն երկօրեայ աշխատանքային այցելութեամբ Հայաստան է: Ինչպէս յայտնած են Հայաստանի արտաքին գործոց նախարարութենէն` 3 ապրիլին տեղի ունեցած է Հայաստանի եւ Իտալիոյ արտաքին գործոց նախարարներու հանդիպումը, որուն հետեւած են մամլոյ յայտարարութիւնները:
Այցելութեան ծիրին մէջ իտալացի նախարարը հանդիպումներ ունեցած է նաեւ Հայաստանի նախագահին, վարչապետին եւ Ազգային ժողովի նախագահին հետ:
Աղբիւրը` Ազդակ
Շնորհակալութիւն յօդուածը ընթերցելուն համար։ Եթէ կը փափաքիս թարմ լուրեր ստանալ կը հրաւիրենք բաժանորդագրուիլ մեր լրաթերթին` սեղմելով այստեղ