Որոնել

Vatican News
Պէյրութի նաւահանգիստը մէկ տարի ետք Պէյրութի նաւահանգիստը մէկ տարի ետք 

Պէյրութի աղէտալի պայթումը...

Պէյրութի նաւահանգիստի պայթումի տարելիցի առիթով աղէտի հետեւանքները թիւերու պատկերով:

Պէյրութի նաւահանգիստի պայթումի տարելիցի առիթով, France press գործակալութիւնը հրապարակած է աղէտի հետեւանքները թիւերու պատկերով:

Այսպէս աղէտալի պայթումին հետեւանքով գրանցուած են

214 զոհ, ըստ պաշտօնական տուեալներուն:

6500 վիրաւոր:

300 հազար մարդ ժամանակաւորապէս անտուն մնացած է պայթումէն անմիջապէս ետք:

70 հազարէ աւելի մարդ անգործ մնացած է:

73 հազար բնակարան վնասուած է:

9200 շէնք վնասուած է:

163 հազար դպրոց եւ կրթական կառոյցներ վնասուած են:

106 առողջապահական կառոյց, ներառեալ 6 հիւանդանոց եւ 20 դարմանատուն վնասուած են:

2750 թոն ամոնիաքի նիթրաթ, ըստ իշխանութիւններուն պահուած եղած է նաւահանգիստի պահեստանոցներուն մէջ եւ պատճառ դարձած պայթումին:

6 տարի այդ ամոնիաքի նիթրաթը պահուած եղած է նաւահանգիստի թիւ 12 պահեստանոցին մէջ:

Ըստ պայթումներու ուժգնութիւնը չափող Ամերիկեան հիմնարկին՝ պայթումի ուժը համազօր եղած է 3,3-4,5 աստիճան երկրաշարժի:

200 քիլոմեթր է հեռաւորութիւնը Լիբանանի եւ Կիպրոսի միջեւ, ուր լսուած են պայթումի ձայները:

5 օր ժամանակ սահմանած է Լիբանանի կառավարութիւնը կատարելու վարչական հետազօտութիւն պայթումի շուրջ:

Մինչեւ օրս որեւէ մէկը պատասխանատուութեան չէ ենթարկուած:

Պայթումէն 6 օր ետք, լիբանանեան կառավարութիւնը նախագահութեամբ՝ Հասսան Տիապի իր հրաժարականը ներկայացուցած է:

359 օր է, ժամանակաւոր կառավարութիւն մը կը ղեկավարէ Լիբանանը, նոր կառավարութիւն մը կազմելու քաղաքական ուժերու համաձայնութեան գալու բացակայութեան ֆոնին: 30 Յուլիսին, Նաժիպ Միքաթի նշանակուեցաւ վարչապետ եւ կոչուեցաւ կազմել նոր կառավարութիւն մը:

Քաղուած «Արեւելք» էն

05/08/2021, 09:00