Որոնել

Vatican News
ՄԱԿին դրօշը ՄԱԿին դրօշը  (©Negro Elkha - stock.adobe.com)

ՄԱԿ-էն կոչ՝ Ատրպէյճանին եւ Հայաստանին

«Մենք կը շարունակենք կողմերուն կոչ ընել զսպուածութիւն ցուցաբերելու, ձեռնպահ մնալու լարուածութեան սրման միտուած գործողութիւններէն եւ երկխօսութեան միջոցով լուծելու առաջացող խնդիրները»,
Ունկնդրէ լուրը

ՄԱԿ-ը Ատրպէյճանին ու Հայաստանին կոչ կ'ընէ զսպուածութիւն ցուցաբերելու՝ ի տես երկու երկիրներու սահմանին շարունակուող բախումներուն: Այս մասին ուրբաթ ճեպազրոյցի ժամանակ յայտարարած է ՄԱԿ -ի գլխաւոր քարտուղարի պաշտօնական ներկայացուցիչի տեղակալ Ֆարհան Հաքը, կը հաղորդէ ԹԱՍՍ -ը:

«Մենք կը շարունակենք կողմերուն կոչ ընել զսպուածութիւն ցուցաբերելու, ձեռնպահ մնալու լարուածութեան սրման միտուած գործողութիւններէն եւ երկխօսութեան միջոցով լուծելու առաջացող խնդիրները»,- ըսած է ան:

Սահմանին իրավիճակը լարուած կը մնայ 12 Մայիսէն: Այդ ժամանակ հայկական ռազմական գերատեսչութիւնը յայտարարած էր, որ ատրպեճանական զինուժը «սահմանի ճշգրտման» նպատակով փորձած է «որոշակի աշխատանք» իրականացնել Սիւնիքի մարզի սահմանամերձ շրջաններէն մէկուն մէջ: Անկէ ետք երկու կողմերն ալ պարբերաբար կը յայտնեն միջադէպերու մասին:

Քաղուած «Արեւելք» էն

09/08/2021, 07:46