Որոնել

Vatican News
Վ. Օհանեան-Գէորգեան - Գերապայծառ Ասատուրեան հանդիպում Վ. Օհանեան-Գէորգեան - Գերապայծառ Ասատուրեան հանդիպում 

Վ. Օհանեան-Գէորգեան Գերապայծառ Ասատուրեանի հետ քննարկեց երկրին մէջ տիրող կացութիւնը

Հանդիպումին ընթացքին անդրադարձ կատարուեցաւ նաեւ Լիբանանի մէջ տիրող քաղաքական կացութեան, որուն շրջագիծին մէջ կոչ ուղղուեցաւ պատասխանատուներուն հայրենիքին շահերը ամէն բանէ աւելի բարձր նկատելու:
Ունկնդրէ լուրը

Երիտասարդութեան եւ մարմնակրթութեան նախարարի պաշտօնակատար Վարդինէ Օհանեան-Գէորգեան երէկ նախարարութեան կեդրոնին մէջ ընդունեց Պէյրութի հայ կաթողիկէ պատրիարքական թեմի փոխանորդ Գէորգ եպս. Ասատուրեանը:

Հանդիպումին ընթացքին քննարկուեցան երկիրը յուզող իրադարձութիւնները, յատկապէս ընկերային եւ մարդասիրական հարցերն ու տիրող իրավիճակը, ինչպէս նաեւ ժողովուրդին նեցուկ կանգնելու միջոցները:

Քննարկուեցան նաեւ եկեղեցւոյ վերաբերող կարգ մը հարցեր, յատկապէս` կարգ մը մարզերու մէջ եկեղեցւոյ դիմագրաւած դժուարութիւնները:

Հանդիպումին ընթացքին անդրադարձ կատարուեցաւ նաեւ Լիբանանի մէջ տիրող քաղաքական կացութեան, որուն շրջագիծին մէջ կոչ ուղղուեցաւ պատասխանատուներուն հայրենիքին շահերը ամէն բանէ աւելի բարձր նկատելու:

Քաղուած «Ազդակ» էն

08/06/2021, 09:57