Որոնել

Vatican News
Եւրոպական երկիրներու դրօշակները Եւրոպական երկիրներու դրօշակները  (Vatican Media)

Եւրոպական միութիւնը կը վերահաստատէ Հայոց ցեղասպանութեան ճանաչման փաստը եւ կը դատապարտէ Թուրքիան` Ազրպէյճանի զինուորական գործողութիւններուն աջակցելուն համար

Զեկուցումին մէջ քանի մը անդրադարձ կը կատարուի նաեւ Արցախի տագնապին մէջ Թուրքիոյ բացասական դերին.

19 մայիսին, Եւրոպական խորհրդարանը իր լիագումար նիստին ընթացքին Թուրքիոյ վերաբերեալ իր զեկուցումին մէջ վերահաստատեց Հայոց ցեղասպանութիւնը ճանչնալու իր կոչը: Եւրոպական խորհրդարանը նաեւ Թուրքիոյ կոչ կ՛ուղղէ` զերծ մնալու որեւէ հակահայկական քարոզչութենէ ու ատելութեան խօսքէ եւ լիարժէքօրէն յարգելու հայկական մշակոյթը պաշտպանելու իր յանձնառութիւնները:

Ունկնդրէ լուրը

Զեկուցումին մէջ քանի մը անդրադարձ կը կատարուի նաեւ Արցախի տագնապին մէջ Թուրքիոյ բացասական դերին.

– Կը դատապարտուի այն փաստը, որ Թուրքիան զինուորական գործողութիւններուն վերջ դնելու եւ ԵԱՀԿ-ի Մինսքի խմբակի համանախագահութեան տակ խաղաղ բանակցութիւններու վերսկսման կոչեր ընելու փոխարէն, որոշեց անվերապահօրէն աջակցիլ Ազրպէյճանի զինուորական գործողութիւններուն, նպաստել անոնց շարունակման` ատով իսկ դիմելով հրահրող հռետորաբանութեան եւ նպաստելով լարուածութեան սրման, եւ ոչ թէ ատոր նուազման:

– Կը դատապարտուի Սուրիայէն եւ այլ վայրերէն օտարերկրեայ զինեալներու տեղափոխումը Արցախ, ինչպէս որ ատիկա հաստատուած է ԵԱՀԿ-ի Մինսքի խմբակի համանախագահ երկիրներուն կողմէ:

– Թուրքիոյ անգամ մը եւս կոչ կ՛ուղղուի զերծ մնալու որեւէ գործողութենէ կամ հռետորաբանութենէ, որ կրնայ աւելի սրել Հարաւային Կովկասի շրջանին մէջ լարուածութիւնը եւ աջակցելու միջազգային երկխօսութեան եւ ԵԱՀԿ-ի Մինսքի խմբակի ծիրին մէջ խաղաղ բանակցային հոլովոյթին:

– Խստօրէն կը դատապարտուի Հիւսիսային Սուրիոյ մէջ տեղակայուած ժիհատական խումբերէն զինեալներու եւ վարձկաններու տեղափոխումը Լիպիա եւ Լեռնային Ղարաբաղի տագնապի գօտի:

Բացի ատկէ`

– Թուրքիոյ կառավարութեան կոչ կ՛ուղղուի պաշտպանելու Թուրքիա ապրող ազգային ու կրօնական փոքրամասնութիւններու, ներառեալ` հայկական ծագում ունեցող քաղաքացիներու եւ քրիստոնեաներու իրաւունքները եւ անյապաղ ընդունելու խտրականութիւնը արգիլող համապարփակ օրէնսդրութիւն:

– Եւրոպական Միութեան եւ Եւրոպական Միութեան անդամ երկիրներուն կոչ կ՛ուղղուի ուսումնասիրելու «Գորշ գայլեր» ծայրայեղական շարժումը ահաբեկչական կազմակերպութիւններու` Եւրոպական Միութեան ցանկին մէջ ներառելու կարելիութիւնը եւ արգիլելու ատոր ճիւղային կառոյցներու գործունէութիւնը Եւրոպական Միութեան երկիրներուն մէջ:

– Ուշադրութեամբ հետեւելու անոնց գործունէութեան եւ հակազդելու ատոնց հաւանական ազդեցութեան, որ սպառնալիք է յատկապէս հայկական, քրտական ու յունական ծագում ունեցող քաղաքացիներուն եւ տուեալ կազմակերպութեան կողմէ այլախոհ նկատուող ոեւէ անձի համար:

Քաղուած «Ազդակ»էն

20/05/2021, 09:03