Որոնել

Vatican News
Շուշիի Սուրբ Ամենափրկիչ Ղազանչեցոց եկեղեցին Շուշիի Սուրբ Ամենափրկիչ Ղազանչեցոց եկեղեցին 

Ըստ Human Rights Watch-ին՝ Ղազանչեցոցի ռմբակծումը պատերազմական ոճիր կրնայ համարուիլ

Մշակութային կարեւոր նշանակութիւն ունեցող այս եկեղեցին ծրագրուաած կերպով թիրախ ընտրուած էր, հակառակ այն հանգամանքին, որ որեւէ ապացոյց չկայ, որ կառոյցը ռազմական նպատակներով օգտագործուած է

ՊԵՐԼԻՆ․- Մարդկային իրաւանց պաշտպան Human Rights Watch միջազգային կազմակերպութիւնը 16 Դեկտեմբերին յայտարարեց, թէ Ատրպէյճանի զինուած ուժերը 8 Հոկտեմբերին Շուշիի Ղազանչեցոց եկեղեցին երկու անգամ ռմբակոծեցին՝ ծրագրուաած կերպով` խախտելով պատերազմի միջազգային կանոնները:

«Մշակութային կարեւոր նշանակութիւն ունեցող այս եկեղեցին ծրագրուաած կերպով  թիրախ ընտրուած էր, հակառակ այն հանգամանքին, որ որեւէ ապացոյց չկայ, որ կառոյցը ռազմական նպատակներով օգտագործուած է», կ՛ըսուի կազմակերպութեան հրապարակած զեկոյցին մէջ:

«Եկեղեցւոյ հասցուած երկու հարուածները, որոնցմէ երկրորդը կատարուած է այն պահուն, երբ քաղաքացիներ եւ լրագրողներ հաւաքուած էին հոն, դիտաւորեալ բնոյթ ունին», նշեց Human Rights Watch-ի Եւրոպայի եւ Կեդրոնական Ասիոյ գծով տնօրէն Հիւ Վիլամսոն՝ աւելցնելով․ «Այս յարձակումները պէտք է անաչառ քննութեան առարկայ դառնան, իսկ հեղինակները ենթարկուին պատասխանատուութեան»:

Զեկոյցը կարելի է կարդալ https://www.hrw.org/news/2020/12/16/azerbaijan-attack-church-possible-war-crime կայքէջին վրայ։

Քաղուած «Ասպարէզ» էն

17/12/2020, 07:32