Որոնել

Vatican News
Նախագահներ Փութին եւ Մաքրոն Նախագահներ Փութին եւ Մաքրոն 

Փութին եւ Մաքրոն շեշտեցին հրադադարի համաձայնութեան պահպանման կարեւորութիւնը:

Հեռաձայնային զրոյցին ընթացքին ընդգծուեցաւ Ռուսիոյ եւ Ֆրանսայի` իբրեւ ԵԱՀԿ-ի Մինսքի խմբակի համանախագահներու, ինչպէս նաեւ ՄԱԿ-ի Ապահովութեան խորհուրդի գծով սերտ համակարգումը շարունակելու պատրաստակամութիւնը:

Ռուսիոյ նախագահ Վլատիմիր Փութին եւ Ֆրանսայի նախագահ Էմանուէլ Մաքրոն հեռաձայնային զրոյց ունեցան մանրամասն կերպով քննարկելով Լեռնային Ղարաբաղի տագնապի գօտիին մէջ զարգացող իրավիճակը: «Արմէնփրես»-ի փոխանցմամբ` այս մասին կը յայտնէ Քրեմլինի ծառայութիւնը` նշելով, թէ երկու երկիրներու ղեկավարները հեռաձայնային զրոյցին ընթացքին շեշտեցին Հայաստանի եւ Ազրպէյճանի միջեւ` հրադադարի մասին ձեռք բերուած համաձայնութիւններու պահպանման կարեւորութիւնը:

«Մանրամասնօրէն քննարկուած է Լեռնային Ղարաբաղի տագնապի գօտիին մէջ տիրող իրավիճակի զարգացումը: Վլատիմիր Փութին տեղեկացուցած է զինուորական գործողութիւններու հետագայ մագլցումի կանխարգիլման եւ Լեռնային Ղարաբաղի հիմնախնդիրի քաղաքական-դիւանագիտական լուծման նպատակով բանակցութիւններու շուտափոյթ վերսկսման ուղղութեամբ ձեռնարկուող քայլերուն մասին: Շեշտուած է հոկտեմբեր 10-ին եւ 17-ին հակամարտող կողմերուն միջեւ ձեռք բերուած` կրակոցի դադրեցման վերաբերող համաձայնութիւններու պահպանման կարեւորութիւնը», ըսուած է յայտարարութեան մէջ:

Հեռաձայնային զրոյցին ընթացքին ընդգծուեցաւ Ռուսիոյ եւ Ֆրանսայի` իբրեւ ԵԱՀԿ-ի Մինսքի խմբակի համանախագահներու, ինչպէս նաեւ ՄԱԿ-ի Ապահովութեան խորհուրդի գծով սերտ համակարգումը շարունակելու պատրաստակամութիւնը:

Քաղուած «Ազդակ» էն

21/10/2020, 09:50