Արցախ. ՄԱկ-ի Գլխաւոր Քարտուղարը կոչ կ՛ընէ վերադառնալու բովանդակալից բանակցութիւններուն
ՄԱԿ-ի գլխաւոր քարտուղար Անթոնիօ Կութերեշ չափազանց մտահոգուած է Լեռնային Ղարաբաղի հակամարտութեան գօտիին երկայնքով ռազմական գործողութիւններու վերսկսմամբ: Յայտարարութիւնը տեղադրուած է ՄԱԿ-ի պաշտօնական կայքին մէջ:
Ան կը դատապարտէ ուժի գործադրումը եւ կը ցաւի խաղաղ բնակչութեան կեանքի կորուստներուն եւ զոհերուն համար:
Գլխաւոր քարտուղարը խստօրէն կոչ կ՛ընէ կողմերուն անյապաղ դադրեցնելու մարտերը, թուլացնելու լարուածութիւնը եւ անյապաղ վերադառնալու բովանդակալից բանակցութիւններուն: Ան կը խօսի ինչպէս Ազրպէյճանի նախագահին, այնպէս ալ Հայաստանի վարչապետին հետ:
Գլխաւոր քարտուղարը կը վերահաստատէ իր լիակատար աջակցութիւնը ԵԱՀԿ Մինսկի խումբի համանախագահներու կարեւոր դերակատարութեան եւ կը յորդորէ կողմերուն սերտօրէն համագործակցիլ անոնց հետ` առանց նախապայմաններու երկխօսութեան անյապաղ վերսկսման համար:
Քաղուած «Եռագոյն» էն
Շնորհակալութիւն յօդուածը ընթերցելուն համար։ Եթէ կը փափաքիս թարմ լուրեր ստանալ կը հրաւիրենք բաժանորդագրուիլ մեր լրաթերթին` սեղմելով այստեղ