Ս. Սոֆիայէն ետք Պոլսոյ մէջ մզկիթի վերածուած է 6-րդ դարու բիւզանդական եկեղեցին
Պոլսոյ Ֆաթիհ թաղամասին մէջ գտնուող` բիւզանդական ժամանակներէն մնացած Խորայի եկեղեցին, որ Թուրքիոյ մէջ յայտնի է իբրեւ Քարիէ մզկիթ, վերաբացուած է եւ պիտի ծառայէ իբրեւ իսլամներու աղօթատեղի. Թուրքիոյ նախագահին այս որոշումը հրապարակուած է երկրի պետական «Ռեսմի Կազեթէ» կայքին վրայ:
6-րդ դարուն կառուցուած բիւզանդական եկեղեցին 1511 թուականին Պայազիտ սուլթանի սատրազամ Աթիք Ալի Փաշայի կողմէ վերածուած է մզկիթի` «Աթիք Ալի Փաշա մզկիթ» կամ «Քարիէ մզկիթ» անունով:
Ինչպէս Ս. Սոֆիան, այնպէս ալ այս եկեղեցին թրքական հանրապետութեան հռչակումէն ետք Աթաթուրքի աշխարհիկ հայեցակարգի լոյսին տակ կը դադրին ծառայել իբրեւ մզկիթ: 1945-ին մզկիթը կը դառնայ թանգարան:
Քաղուած «Ազդակ»էն։
Շնորհակալութիւն յօդուածը ընթերցելուն համար։ Եթէ կը փափաքիս թարմ լուրեր ստանալ կը հրաւիրենք բաժանորդագրուիլ մեր լրաթերթին` սեղմելով այստեղ