''Նելսոն Մանտելա'' միջազգային օր։
Վատիկան Նիուզ
«Ազատ ըլլալ չի նշանակեր պարզապէս շղթաները կոտրել, այլ ապրիլ յարգելով եւ շեշտադրելով ուրիշներու ազատութիւնը»։ «Ոչ մէկը ծնած է ստրուկ, ոչ տէր եւ ոչ ալ թշուառութեան մէջ ապրելու համար, բոլորս ալ ծնած ենք իրար եղբայրներ»։ Խօսքերն են ասոնք Նելսոն Մանտելային, Նոպէլեան խաղաղութեան մրցանակակիրը որուն յիշատակին՝ 2010-ին Մակի որոշումով հաստատուեցաւ «Նելսոն Մանտելայի միջազգային օրը», որ կը նշուի անոր ծննդեան տարեդարձին օրը 18 յուլիսին։
Օրը որոշուած է մեծարելու համար Հարաւափրիկէի երբեմնի նախագահը որ վեհանձնօրէն գործեց կերտելու խաղաղութեան եւ ազատութեան մշակոյթ մը։ Նելսոն Մանտելան իր մահկանացուն կնքեց 5 դեկտեմբեր 2013-ին, 95 տարեկանին։
Մանտելա ռահվիրայ մը, պաշտամունքի արժանի տիպար ու խորհրդանիշ դարձաւ ո՛չ միայն իր ժողովուրդին, այլեւ ամբողջ մարդկութեան համար, Ափրիկէէն մինչեւ աշխարհի չորս ծագերը: Անարդար օրէն ահաբեկիչ ծանուցուած Մանտելա իր խաղաղասիրական աննահանջ պայքարով նուաճեց Նոպէլեան խաղաղութեան՛ն մրցանակը: Արդարութեան, մարդկային իրաւունքներու եւ հաւասարութեան այս դրօշակիրը դարձաւ այս արժէքները մարմնաւորող պետական ղեկավար, չարձանագրեց բազմաթիւ ճակատագրակիցներու սայթաքումները, նախագահական աթոռը չիւրացուց ցկեանս, այլ ճամբայ հարթեց իր հայրենիքին նոր սերունդի ղեկավարութեան:
Շնորհակալութիւն յօդուածը ընթերցելուն համար։ Եթէ կը փափաքիս թարմ լուրեր ստանալ կը հրաւիրենք բաժանորդագրուիլ մեր լրաթերթին` սեղմելով այստեղ
