Որոնել

Vatican News
Տիեզերքը Տիեզերքը 

Երկրագունդին կը մօտենայ Ֆութպոլի դաշտի մեծութեամբ երկնաքար մը

250-570 մեթր տրամագիծ ունեցող երկնային մարմինը մեր մոլորակէն նուազագոյն հեռաւորութեան վրայ պիտի ըլլայ 6 յունիսի առաւօտեան:

Երկրագունդին կը մօտենայ կարողական վտանգաւոր` 163.348 թիւով երկնաքարը: Այս մասին կը յայտնեն ՆԱՍԱ-ի մասնագէտները:

250-570 մեթր տրամագիծ ունեցող երկնային մարմինը մեր մոլորակէն նուազագոյն հեռաւորութեան վրայ պիտի ըլլայ 6 յունիսի առաւօտեան:

Անիկա երկրագունդին համար անմիջական վտանգ չի ներկայացներ, որովհետեւ պիտի անցնի մոլորակէն 13 անգամ աւելի մեծ հեռաւորութեան վրայ, քան Լուսինի ծիրը: Նոյն ատեն կը նկատուի կարողական վտանգ, որովհետեւ երկնային մարմինի յետագիծը կը հատէ երկրագունդի ծիրը:

Երկնաքարը գիտնականներուն կողմէ յայտնաբերուած է 2002 թուականին. անիկա 300 օրուան մէջ մէկ անգամ կը շրջի Արեւուն շուրջ:

Քաղուած «Ազդակ» էն

04/06/2020, 10:38