Որոնել

Հայաստան, Հիւանդանոցէ մը առնուած լուսանկար Հայաստան, Հիւանդանոցէ մը առնուած լուսանկար 

«Քորոնա»ով վարակուածներուն 440-ին վիճակը ծանր է, 55-ինը՝ շատ ծանր. Արսէն Թորոսեան

Յունիս 1-ի դրութեամբ՝ հաստատուած պարագաներուն ընդհանուր թիւը 9492 է, որոնց 3402-ը ապաքինած են:

Հայաստանի առողջապահութեան նախարար Արսէն Թորոսեան առցանց ճեպազրոյցի մը ընթացքին յայտնեց, որ Հայաստանի մէջ «Քորոնա» ժահրով վարակուած հիւանդներուն, որոնց թիւը 5896 է, 440-ին վիճակը ծանր է, իսկ 55-ինը՝ շատ ծանր:

Ունկնդրէ լուրը

«Քիչ քանակ քննութիւններ կատարուած են Կիրակի օրը, որովհետեւ տարրալուծարաններէն մէկ մասը չէին աշխատեր ամբողջական ծանրաբեռնուածութեամբ, ինչպէս նաեւ անոնք պարբերաբար պիտի կանգնին նախապահպանական հանգիստի, որպէսզի քննութիւններու որակեալ արդիւնք ունենանք: Լարուած կը մնայ նաեւ հիւանդանոցային մահճակալներու ծանրաբեռնուածութիւնը, յատկապէս վերակենդանացման մահճակալներու, որոնք ամենակարեւորն են այս պահուն: Ունինք ծանր վիճակի մէջ 440 քաղաքացի եւ ծայրայեղ ծանր 55 քաղաքացի, որոնցմէ 16-ը միացած է թոքերու արհեստական օդափոխութեան սարքին», դիտել տուաւ Թորոսեան:

Ան տեղեկացուց, որ Յունիս 1-ի դրութեամբ՝ հաստատուած պարագաներուն ընդհանուր թիւը 9492 է, որոնց 3402-ը  ապաքինած են:

Ընդհանուր առմամբ կատարուած են 58,668 քննութիւններ, իսկ մահերուն թիւը բարձրացած է 139-ի:

Քաղուած «Եռագոյն»էն։

Շնորհակալութիւն յօդուածը ընթերցելուն համար։ Եթէ կը փափաքիս թարմ լուրեր ստանալ կը հրաւիրենք բաժանորդագրուիլ մեր լրաթերթին` սեղմելով այստեղ

02/06/2020, 10:02