Որոնել

Vatican News
Հիւանդապահներ Հիւանդապահներ  (ANSA)

ԱՄՆ-ի մէջ առաջին կամաւորը պսակաձեւ ժահրի դէմ պատուաստանիւթի փորձնական դեղաչափը պիտի ստանայ:

Առողջապահութեան բնագաւառի աղբիւրները կը նշեն, որ հաւանական պատուաստանիւթի լիարժէք ներդրման համար կը պահանջուի 12-էն մինչեւ 18 ամիս:

Պսակաւոր ժահրի պաշտպանութեան համար պատուաստանիւթի դարմանատնային փորձարկումներու առաջին մասնակիցը փորձնական դեղաչափը պիտի ստանայ այսօր։ Ըստ Armenpress.am-ի՝ այս մասին հաղորդած Է AP գործակալութիւնը՝ վկայակոչելով կառավարութեան աղբիւրը:
Սիէթըլի Kaiser Permanente Washington Health Research Institute հետազօտական կեդրոնին մէջ փորձարկումները պիտի անցնի 45 երիտասարդ, առողջ կամաւորներու վրայ պատուաստանիւթի տարբեր դեղաչափերով, որ մշակած են ԱՄՆ-ի Առողջապահութեան ազգային հիմնարկը (NIH) եւ Moderna Inc. ընկերութիւնը:
Առողջապահութեան բնագաւառի աղբիւրները կը նշեն, որ հաւանական պատուաստանիւթի լիարժէք ներդրման համար կը պահանջուի 12-էն մինչեւ 18 ամիս:
«Գիտափորձի մասնակիցներու վարակման հաւանանականութիւնը բացառուած Է, քանի որ նմուշները ժահր չեն պարունակեր: Փորձարկման խնդիրն է՝ համոզուիլ, որ պատուաստանիւթերը լուրջ կողմնակի հետեւանքներ չունին, որմէ ետք կարելի պիտի ըլլայ ձեռնամուխ ըլլալ աւելի լայն փորձարկումներու»,- նշած Է գործակալութեան աղբիւրը:
Բացի այդ, Inovio Pharmaceuticals ընկերութիւնը կը փորձէ իր պատուաստանիւթի փորձարկումները քանի մը տասնեակ կամաւորներու մասնակցութեամբ սկսիլ յաջորդ ամիս Փենսիլուանիոյ համալսարանին եւ Միսուրիի նահանգի Քանզաս Սիթի փորձարարական կեդրոնին մէջ։

Քաղուած «Եռագոյն» էն

16/03/2020, 10:50