Առողջապահութեան համաշխարհային գործակալութեան համաձայն. միայն մեկուսացման միջոցառումները բաւարար չեն «Քորոնա» ժահրը կանխարգիլելու համար
Առողջապահութեան համաշխարհային գործակալութեան ղեկավար Թէոտորոս Ատհանոմ Հեպրէյէսուս շեշտեց, որ «Քորոնա» ժահրին դէմ պայքարելու համար կառավարութիւններուն գործադրած «մեկուսացման» միջոցները միայն առանձինը ի վիճակի չեն «Քորոնա» ժահրին դէմ պայքարելու համար: Այս մասին կը հաղորդէ «Երկիր»-ը` յղում կատարելով Առողջապահութեան համաշխարհային գործակալութեան:
Նշենք, որ Հէպրէյէսուս այդպիսի յայտարարութիւն կատարած էր 25 մարտին Առողջապահութեան համաշխարհային կազմակերպութեան մամլոյ ամէնօրեայ ասուլիսի ընթացքին:
Ան, մասնաւորապէս բացատրած է. «ՔՈՎԻՏ-19»-ի` «Քորոնա» ժահրի տարածումը դանդաղեցնելու համար բազմաթիւ երկիրներ ներդրած են «արգելափակման» (մեկուսացման) միջոցառումներ: Սակայն առանձին, այս միջոցները պիտի չկանխարգիլեն համաճարակները: Մենք կոչ կ’ուղղենք` բոլոր երկիրներուն օգտագործելու այս ժամանակահատուածը` «Քորոնա» ժահրին դէմ պայքարելու եւ ատոր վրայ «յարձակելու» համար: Այսպէս, երկիրներուն համար ստեղծուած է կարելիութիւններու երկրորդ պատուհան:
«Գտնելու, մեկուսացնելու, փորձարկելու, բուժելու եւ ախտահանելու յարձակողական միջոցները ո՛չ միայն լաւագոյն եւ ամէնէն արագ միջոցն են ծայրայեղ ընկերային եւ տնտեսական սահմանափակումներէն խուսափելու համար, այլ նաեւ անոնց կանխարգիլման համար: Ասիկա յատկապէս կը վերաբերի խոցելի առողջապահական համակարգ ունեցող շատ երկիրներու համար:
«Հակառակ անոր որ մենք յատկապէս անհանգստացած ենք խոցելի երկիրներով, սակայն բոլոր երկիրները ունին խոցելի բնակչութիւն, ներառեալ` տարեցները: Անոնք կը կրեն մեր հասարակութիւններու հաւաքական իմաստութիւնը, եւ մենք պէտք է միասին աշխատինք, որպէսզի պաշտպանենք զանոնք «Քորոնա» ժահրէն եւ ապահովենք անոնց կարիքները»:
Քաղուած Ազդակէն
Շնորհակալութիւն յօդուածը ընթերցելուն համար։ Եթէ կը փափաքիս թարմ լուրեր ստանալ կը հրաւիրենք բաժանորդագրուիլ մեր լրաթերթին` սեղմելով այստեղ