«Քորոնա» ժահրը Հայաստանի մէջ. Վարակուածներուն թիւը հասաւ 84-ի։
Հայաստանի մէջ արձանագրուած է «քորոնա» ժահրի 6 նոր դէպք: Այս մասին Facebook-ի իր էջին միջոցով յայտնեց ՀՀ վարչապետ Նիկոլ Փաշինեան:
«Արձանագրուած է «քորոնա» ժահրի 6 նոր դէպք: Ընդհանուր դէպքերուն թիւը 84 է: Դէպքերուն 81 տոկոսը Էջմիածինի եւ արտադրամասի ուղղութիւններն են»,- յայտնեց Վարչապետը:
Վարչապետ Փաշինեանի տեղեկութիւններով՝ այս պահուն մեկուսացուած է 444 անձ, իսկ 799 մարդու կառավարութիւնը յորդորած է ինքնամեկուսացուիլ տուներու մէջ:
Հայաստանի վարչապետ Նիկոլ Փաշինեան հաւանական նկատեց, որ ըլլան բազմաթիւ մարդիկ, որոնք այս ընթացքին վարակուած են «Քորոնա» ժահրով, բուժուած են, սակայն չեն գիտցած այդ մասին:
«Իրավիճակը վերլուծելով կը հասկնամ, որ շատ քաղաքացիներ կը հիւանդանան ու կ՛առողջանան` այդ մասին չկռահելով: Այս մասին մեզ կը յուշէ նաեւ մեր ախտորոշուած դէպքերուն վիճակը: Դէպքերուն 90 առ հարիւրը կա՛մ ջերմութիւն չունի, կա՛մ ցած ջերմութիւն ունի: Ըստ ամենայնի, կան բազմաթիւ մարդիկ, որոնք այս ընթացքին վարակուած են «Քորոնա» ժահրով, այս ընթացքին բուժուած են, բայց իրենք չեն գիտեր, որ հիւանդացած ու բուժուած են», յայտնեց Փաշինեան:
Ան անհրաժեշտ նկատեց, որ փոխուի վերաբերմունքը «Քորոնա» ժահրին նկատմամբ: «Ես կը կարծեմ, որ մենք պէտք է փոխենք մեր վերաբերմունքը «Քորոնա» ժահրին նկատմամբ, անոր հետ վերաբերինք, իբրեւ հիւանդութիւն մը, որ բաւական վտանգաւոր է տարիքոտ մարդոց համար, ինչպէս կրիփը: Մեր հիմնական խնդիրը պէտք է ըլլայ տարիքոտ մեր սիրելի ծնողներուն, տատիկներուն ու պապիկներուն ուշադիր ըլլալը», նշեց վարչապետը:
Քաղուած «Եռագոյն »էն
Շնորհակալութիւն յօդուածը ընթերցելուն համար։ Եթէ կը փափաքիս թարմ լուրեր ստանալ կը հրաւիրենք բաժանորդագրուիլ մեր լրաթերթին` սեղմելով այստեղ