Որոնել

Vatican News
Ծիծեռնակաբերդ Ծիծեռնակաբերդ  

Սուրիոյ Խորհրդարանը ճանչցաւ ու դատապարտեց Օսմանեան Կայսրութեան կատարած Հայոց Ցեղասպանութիւնը։

Խորհրդարանը կը դատապարտէ ցեղասպանութեան ուրացման եւ պատմութեան նենգափոխման իւրաքանչիւր փորձ եւ կը հաստատէ, որ Հայոց ցեղասպանութիւնը մարդկութեան դէմ ի գործ դրուած ամէնէն դաժան ոճիրն է։

Հինգշաբթի, 13 փետրուար 2020-ին, Սուրիոյ խորհրդարանը միաձայնութեամբ քուէարկեց ի նպաստ Հայոց ցեղասպանութեան ճանաչման ու դատապարտման
Սուրիական-հայաստանեան խորհրդարաններու բարեկամութեան միութեան ներկայացուցած բանաձեւին։

Բանաձեւին մէջ կը յիշուէր.

«Սուրիական Արաբական Հանրապետութեան խորհրդարանը, հինգշաբթի, 13 փետրուար 2020-ին իր գումարած նիստին ընթացքին կը ճանչնայ եւ կը դատապարտէ 20-րդ դարու սկիզբը Օսմանեան կայսրութեան ծրագրած եւ իրագործած Հայոց ցեղասպանութիւնը։
«Խորհրդարանը կը դատապարտէ ցեղասպանութեան ուրացման եւ պատմութեան նենգափոխման իւրաքանչիւր փորձ եւ կը հաստատէ, որ Հայոց ցեղասպանութիւնը մարդկութեան դէմ ի գործ դրուած ամէնէն դաժան ոճիրն է։

«Խորհրդարանը կը բաժնեկցի հայ բարեկամ ժողովուրդին ցաւը եւ կը հաստատէ, որ Սուրիոյ ժողովուրդին բաղադրիչներուն մաս կազմող հայեր, ասորիներ, սուրիանիներ եւ այլ ազգեր այդ տարիներուն զոհը դարձան օսմանցի թուրքերուն կողմէ ծրագրուած եւ իրագործուած ցեղասպանութեան։

«Խորհրդարանը կոչ կ՛ուղղէ աշխարհի խորհրդարաններուն եւ միջազգային ընտանիքին՝ ճանչնալու եւ դատապարտելու Հայոց ցեղասպանութիւնը»։

Քաղուած "Ազդակ" էն

13/02/2020, 18:07