Որոնել

Vatican News
ՄԱԿ-ի հաւաք ՄԱԿ-ի հաւաք  (ANSA)

ՄԱԿ-ի Ապահովութեան Խորհուրդը կոչ կ՛ուղղէ` անմիջապէս դադրեցնելու Եմէնի մէջ զինուորական գործողութիւնները

Խորհուրդը նաեւ շեշտեց դեկտեմբեր 2018-ին Շուէտի մէջ ստանձնուած յանձնառութիւններուն հիմամբ Հտէյտայի մէջ զինադադարի պահպանման կարեւորութիւնը:

ՄԱԿ-ի Ապահովութեան խորհուրդը միաձայնութեամբ որդեգրեց հաղորդագրութիւն մը, որ կոչ ուղղէ անմիջապէս դադրեցնելու զինուորական գործողութիւնները, որոնք կը սպառնան Եմէնի մէջ քաղաքական հոլովոյթին:

Ունկնդրէ լուրը

Ապահովութեան խորհուրդը մտահոգութիւն յայտնեց Նահամի եւ Ժաուֆի մէջ բռնարարքներու աճին ու քաղաքայիններուն վրայ անոնց ազդեցութեան նկատմամբ: Այդ շրջաններու քաղաքացիներէն հազարաւորներ վերջին քանի մը օրերուն տեղահանուած են:

Խորհուրդը նաեւ շեշտեց դեկտեմբեր 2018-ին Շուէտի մէջ ստանձնուած յանձնառութիւններուն հիմամբ Հտէյտայի մէջ զինադադարի պահպանման կարեւորութիւնը:

ՄԱԿ-ի Ապահովութեան խորհուրդի անդամները կոչ ուղղեցին վերջ տալու մարդասիրական մարզի գործիչներուն դէմ ահաբեկումի բոլոր գործողութիւններուն եւ երաշխաւորելու մասնաւորաբար երկրի հիւսիս անարգել հասանելիութիւնը:

Ապահովութեան խորհուրդը այս հաղորդագրութիւնը հրապարակեց Բրիտանիոյ պահանջով գումարուած արտակարգ նիստէ մը ետք:

Քաղուած «Ազդակ» էն

03/02/2020, 08:53