Cerca

Vatican News
Տոքթ. Ռիչըրտ Գույումճեան այցելեց Հայ Կաթողիկէ Պատրիարքարան։ Տոքթ. Ռիչըրտ Գույումճեան այցելեց Հայ Կաթողիկէ Պատրիարքարան։  

Նորանշանակ նախարար Տոքթ. Ռիչըրտ Գույումճեան այցելեց Հայ Կաթողիկէ Պատրիարքարան։

Տոքթ. Ռիչըրտ Գույումճեան ծնած է Լիբանանի Քըսըրուան շրջանին մէջ՝ 1962 թուականին, ամուսնացած է եւ ունի երկու դուստրեր

Շաբաթ, 2 Փետրուար 2019-ին յետմիջօրէին Լիբանանի նոր կառավարութեան մէջ ընկերային հարցերու հայ նորանշանակ նախարար Տոքթ. Ռիչըրտ Գույումճեան, ընկերակցութեամբ Ռամկավար Ազատական Կուսակցութեան Լիբանանի Շրջանային Վարչութեան մէկ պատուիրակութեան այցելեց Հայ Կաթողիկէ Պատրիարքարան՝ Տանն Կիլիկիոյ Կաթողիկէ հայոց Ամենապատիւ եւ գերերջանիկ Տ. Գրիգոր-Պետրոս Ի Կաթողիկոս  Պատրիարքին  օրհնութիւնը ստանալու համար։

Այցելութեան առթիւ Նախարար Գույումճեան յարգանքի տուրք ուզեց մատուցել Կաթողիկէ Պատրիարքարանի ներքնափակին մէջ զետեղուած Հայոց Ցեղասպանութեան նահատակներու նուիրուած կոթողին, այնտեղ զետեղելով ծաղկեփունջ մը ու աղօթելով բիւրաւոր նահատակներու հոգւոյն հանգստեան համար։

Հանդիպման ներկայ եղան Հայ կաթողիկէ կղերէն ներկայացուցիչներ եւ այլ պաշտօնակատարներ:

Տոքթ. Ռիչըրտ Գույումճեան ծնած է Լիբանանի Քըսըրուան շրջանին մէջ՝ 1962 թուականին,  ամուսնացած է եւ ունի երկու դուստրեր։ Ան անդամ «Լիբանանեան ուժեր» կուսակցութեան։

04/02/2019, 09:00