Խթանել «սիրող մերձաւոր» ըլլալու մշակոյթը նաեւ թուային աշխարհէն ներս
Մարիամ Երեմեան – Վատիկան
Այսօր՝ ժամը 12.30-ին Սուրբ Աթոռի Մամլոյ գրասենեակին մէջ Հաղորդակցութեան Վերատեսչութեան վերատեսուչ Փաոլօ Ռուֆֆինիի գլխաւորութեամբ կայացաւ ասուլիս, որուն ընթացքին ներկայացուեցաւ «Դէպի լիակատար ներկայութիւն. Հովուական խորհրդածութիւն հասարակական լրատուամիջոցներու հետ յանձնառութեան մասին» փաստաթուղթը:
Ոգեշնչուած «Բարի սամարացիի» առակէն՝ ան մտադիր է համատեղ մտորումներ նախաձեռնել խթանելու համար «սիրող մերձաւոր» ըլլալու մշակոյթը նաեւ թուային ոլորտէն ներս՝ նիւթին մօտենալով տարբեր տեսանկիւններէ.
Զգուշացում «թուային ճանապարհներու» թակարդներէն
Թուային յեղափոխութիւնը՝ հնարաւորութիւններ ստեղծելուն զուգընթաց, կը ներկայացնէ բազմաթիւ մարտահրաւէրներ: Փաստաթուղթը կը զգուշացնէ այն ծուղակներէն, որոնց կը հանդիպինք «թուային ճանապարհներով» քալելու ժամանակ, ուր անհատները յաճախ թէ սպառողներ են եւ թէ՝ ապրանքներ: Ուստի քրիստոնեաները հարց պէտք է տան, թէ ինչպէս այդ դարձնել փոխադարձ վստահութեան վրայ հիմնուած փոխանակման, համագործակցութեան և պատկանելութեան վայր:
Իրազեկում, որ պէտք է վերածուի իսկական հանդիպումի
Համացանցերու լրատւութեան մէջ «մերձաւոր» դառնալը կը սկսի լսելու պատրաստակամութենէն՝ գիտակցելով, որ առցանց մարդիկ, իրական մարդիկ են: Փաստաթուղթի նպատակն է առցանց կապը վերածել իրական հանդիպումներու, իրական յարաբերութիւններու, որոնք կ՛ամրապնդեն տեղական համայնքները: Կարող ենք ճանչնալ մեր թուային մերձաւորը, երբ սկսենք հասկնալ, որ անոր տառապանքը մեզի ալ կը վերաբերէ:
«Մենք երբեմն բարի սամարացի ենք, երբեմն ալ վիրաւոր. երկու պարագային ալ կրնանք նպաստել թուային թունաւոր միջավայրի ստեղծած վէրքերու ապաքինմանը», կը շեշտուի Փաստաթուղթին մէջ:
Առանձնայատուկ ոճ
Քրիստոնեաները լրատուական համացանց կը ներմուծեն յատուկ «ոճ», որ Քրիստոսէն կը ծագի, որ մեզ սիրեց և ինքզինք նուիրեց մեզի՝ խօսքերով, գործերով, հոգիով և մարմնով: Մեզի սորվեցուց, որ ճշմարտութիւնը կը բացայայտուի հաղորդութեան մէջ, և որ հաղորդակցութիւնը նոյնպէս կը բխի հաղորդութենէն, այսինքն՝ սէրէն:
Շնորհակալութիւն յօդուածը ընթերցելուն համար։ Եթէ կը փափաքիս թարմ լուրեր ստանալ կը հրաւիրենք բաժանորդագրուիլ մեր լրաթերթին` սեղմելով այստեղ