Որոնել

Vatican News
Ռացինկեր եղբայրները։ Ռացինկեր եղբայրները։  

Հոգին աւանդեց առ Հայր Վաստակաւոր Քահանայապետի եղբայրը Կէորկ Ռացինկերը։

Անոր մահովվ Ժոզէֆ Ռացինկեր կը կորսնցնէ իր ընտանիքի տակաւին ողջ միակ անդամը։
Ունկնդրէ լուրը

Ռոպէր Աթթարեան - Վատիկան

Պենետիկտոս ԺԶ վաստակաւոր Քահանայապետի եղբայրը Կէորկ Ռացինկեր 96 տարեկանին իր հոգին աւանդեց առ Հայր Ռաթիզպոնա քաղաքին մէջ, ուր վերջերս անոր այցելութիւն տուած էր Պենետիկտոս ԺԶ Սրբազան Քահանայապետը։

Անոր մահով Ժոզէֆ Ռացինկեր կը կորսնցնէ իր ընտանիքի տակաւին ողջ միակ անդամը։ Անոնք իրարու շատ կապուած էին,  քահանայական ձեռնադրութիւնը ընդունած են նոյն օրը՝ 1951-ի Յունիսի 29-ին, Ֆրիզինկայի Աթոռանիստ Եկեղեցւոյ  մէջ։

 2008 թուականին երբ Քասթել Կանտոլֆոյի քաղաքը ուզեց Պատուոյ Քաղաքացիութիւն շնորհել Կէորկ Ռացիկներին, Վաստակաւոր Քահանայապետը այսպէս արտայայտուեցաւ. «Ծնունդէս ի վեր եղբայրս ինծի համար եղաւ ոչ միայն ընկեր, այլ նաեւ վստահելի առաջնորդ։ Ինծի համար ան եղած է միշտ  կողմնորոշման և յղման կէտ՝ իր որոշումներու յստակութեամբ և վճռակամութեամբ։

Կէորկ Ռացինկեր ծնած էր Պավիերայի մէջ 15 Յունուար 1924-ին եւ պատանի հասակէն սկսած էր ժողովրդապետական եկեղեցւոյ երգեհոնը նուագել։ 1935-ին մուտք կը գործէ Թրաունշթէյնի փոքր նորընծայարան, սակայն 1942-ին զինծառայութեան կը կանչուի եւ 1946-ի մարտին կը ձերբակալուի Նափոլի քաղաքին մէջ ուր մի քանի ամիս բանտարկութենէ ետք կ՛ուղարկուի իր ծննդավայրը։ 1947-ին իր Ժոզէֆ եղբօր հետ միասին կը մտնէ Մոնանքօ Տի Պավիրրայի նորընծայարան եւ 29 Յունիս 1951-ին երկու եղբայրները քահանայ կը ձեռնադրուին միասին։

Կէորկ Ռացինկեր երկար տարիներ վարեց Ռաթիզպոնի Աթոռանիս Եկեղեցւոյ երգչախումբի տնօրէնի պաշտօնը։ 

01/07/2020, 12:38