Որոնել

Vatican News
Հայր Անթոնիօ Սթէֆանիցի Հայր Անթոնիօ Սթէֆանիցի 

Իր մահկանացուն կնքեց Հայր Անթոնիօ Սթէֆանիցցի՝ Վատիկանի Ռատիոկայանի երբեմնի տնօրէնը։

Հայր Անթոնիօ Սթէֆանիցցի եղած է Վատիկանի Ռատիոկայնի տնօրէնը՝ 1953-1967 տարիներուն։

Վազգէն Աբարդեան - Վատիկան

Շաբաթ, 5 ապրիլ 2020ին,  102 տարեկանին իր մահկանացուն կնքեց Վատիկանի Ռատիոկայանի երբեմնի տնօրէն,  Յիսուսեան միաբանութեան անդամ, Հայր Անթոնիօ Սթէֆանիցցի։ Ան 1953-1967 տարիներուն, եղած է Վատիկանի Ռատիոկայանի տնօրէնը։ 

Ունկնդրէ լուրը

Հայր Սթէֆանիցցի ծնած էր 18 սեպտեմբեր 1917-ին, Լեչչէ քաղաքի Մարթինօ շրջանին մէջ, բազմազաւակ ընտանիքին հարկին տակ։ 

15 տարեկանին մտած է Նափոլի քաղաքի Յիսուսեան միաբանութեան վանքը։ Աստուածաբանական եւ իմաստասիրական համալսարանական ուսումները աւարտելէ ետք քահանայ ձեռնադրուած է 7 յուլիս 1946ին։ 

Հայր Սթէֆանիցցի մասնագիտացած  է գիտական նիւթերու մէջ, եւ որպէս գիտնական  դասաւանդած է  կարգ մը քահանայապետական համալսարաններէն ներս ի մէջ այլոց Գրիգորեան  քահանայապետական համալսարանին մէջ։

29 մարտ 1953ին, 35 տարեկանին,  Հայր Սթէֆանիցցի կ՝անուանուի Վատիկանի Ռատիոկայանի տնօրէն, յաջորդելով Հայր Ֆիլիփփօ Սոքորսիին, որ իր կարգին յաջորդած էր Հայր Ճանֆրէսքիյին, որ Կուլիելմօ Մարքոննիը հետ միասին եղած է հիմնադիրն ու առաջին տնօրէնը Վատիկանի Ռատիոկայանին։

Հայր Սթէֆանիցցի, տարբեր ազգութեան պատկան, Յիսուսեան միաբանութեան իր եղբայրակիցներուն հետ սատարած են Վատիկանի Ռատիոկայանի տարբեր լեզուներու  բաժանմունքներուն առաքելութեան։

 

06/04/2020, 11:25