Վատիկանի մէջ Եթովպացիներուն քահանայապետական վարժարանի հիմնադրութեան 100-րդ ամեակը նշում:
Վազգէն Աբարդեան - Վատիկան
Կիրակի 12 յունուարին, Եթովպացիներուն եկեղեցւոյ պաշտպան սուրբին ծիսական տօնին եւ Եթովպացիներուն քահանայապետական վարժարանի հիմնադրութեան 100-րդ ամեակին առիթով՛, Վատիկանի պարտէզներուն մէջ գտնուող Սուրբ Ստեփանոս Ապիսսինա անուան տաճարին մէջ սուրբ եւ անմահ պատարագ մատուցուեցաւ ձեռամբ Եթովպիայի եւ էրիթրէայի երկու եկեղեցիներուն մետրոպոլիտներուն, կարդինալ Սուրաֆիէլ եւ գերապայծառ Թեսֆամարիա:
Բազմաթիւ քահանաներուն եւ հաւատացեալներուն ներկայութեամբ Սուրբ Պատարագին իրենց մասնակցութիւնը բերին արեւելեան եկեղեցիներուն կառավարիչ կարդինալ Լեոնոարտօ Սանտրին եւ Արքեպիսկոպոս Չիրիլ Վազիլ:
Սուրբ պատարագի աւարտին, օրհնուած հաց բաշխուեցաւ հաւատացեալներուն
Յայտնենք, թէ Վատիկանի մէջ գտնուող Եթովպացիներուն քահանայապետական վարժարանը հիմնուած է 1919-ին:
Շնորհակալութիւն յօդուածը ընթերցելուն համար։ Եթէ կը փափաքիս թարմ լուրեր ստանալ կը հրաւիրենք բաժանորդագրուիլ մեր լրաթերթին` սեղմելով այստեղ
