Պեթա տարբերակ

Cerca

Vatican News
Ֆրանչիսկոս Պապ Ֆրանչիսկոս Պապ  (Vatican Media)

Ռումանիայի եւ Մոլտավիայի եպիսկոպոսներու հնգամեայ կանոնական այցը Սուրբ Պետրոսի յաջորդին։

Ռումանիայի եւ Մոլտավիայի մէջ կաթողիկէ եկեղեցին փոքրամասնութիւն է

Ռոպէր Աթթարեան - Վատիկան

5էն 10 նոյեմբերին Ռումանիայի եւ Մոլատվիայի եպիսկոպոսական համահաւաք դասի անդամները ուխտագնացեամբ ժամանած են Հռոմ՝ իրենց հնգամեայ կանոնականն այցելութիւնը կատարելու Սուրբ Պետրոսի յաջորդին։ Այցելութեան ծիրէն ներս եպիսկոպոսները հանդիպումներ կ՛ունենան նաեւ Վատիկանի Վերին Իշխանութեան բաժանմունքներու պատասխանատուներուն  հետ։

Ռումանիայի հանրապետութիւնը ունի 238, 397 քմ քառակուսի տարածք ու 19.760, 314 բնակչութիւն,  որուն մեծամասնութիւնը ՝ 86 առ հարիւրը, կը պատկանի Օրթոտոքս Եկեղեցւոյ մինչ կաթողիկէները կը հաշուեն բնակչութեան 7.3 առ հարիւրը- ապա գոյութիւն ունին այլ փոքրամասնութիւններ որոնց շարքին՝ իսլամներ եւ հրեաներ։

Ռումանիայի եպիսկոպոսական համահաւաք դասի այսօրուան կազմը  ստեղծուած է 16 մարտ 1991ին։ Ան բաժնուած է երկու մասերու՝ Լատին Եկեղեցւոյ հաւատացեալները ապա Յոյն կաթողիկէ Եկեղեցւոյ հաւատացեալներ։  Տեղական կաթողիկէ եկեղեցւոյ ծիսակատարութիւններու ընթացքին  կ՛օգտագործուին երեք գլխաւոր լեզուներ ՝ ռումաներէն, հունգարերէն եւ գերմաներէնը։

Ռումանիոյ մէջ կաթողիկէ եկեղեցին ունի 6 Հռոմէական թեմեր եւ վեց Յոյն կաթողիկէ թեմեր, ապա Կաթողիկէ Հայերու առաջնորդութիւն մը։

Ինը ապրիլ 2018-ին Ֆրանչիսկոս Սրբազան Քահանայապետը հայր Քրիստեան Տումիթրու Քրիզանը նշանակեց Ռումանիայի Յոյն Կաթողիկէ արեւմտեան եւրոպայի սփիւռքի հաւատացեալներուն առաքելական այցելու։

Քալով Մոլատվիային՝ Մոլավատիայի հանրապետութիւնը աւելի փոքր է եւ ունի 30.373 քմ քառակուսի տարածք ու 3.600.000 բնակչութիւն։ Այստեղ եւս բնակչութեան մեծամասնութիւնը՝ 90 առ հարիւրը, կը պատկանի Մոլտավիան Օրթոտոքս Եկեղեցւոյ։ Կաթողիկէները կը կազմեն բնակչութեան միայն 0.5 առ հարիւրը (20 հազար հաւատացեալ) ապա կան բողոքական ու հրեայ այլ փոքր հասարակութիւններ։

Մոլտավիայի մէջ Կաթողիկէ Եկեղեցին ներկայ է միայն մէկ թեմով՝ որուն հովանաւորութեան տակ կըգործեն 20 ժողովրդապետութիւններ։

08/11/2018, 13:25