Պեթա տարբերակ

Cerca

Vatican News
Յորդանանի մէջ տեղատարափ անձրեւ Յորդանանի մէջ տեղատարափ անձրեւ   (ANSA)

Ֆրանչիսկոս Պապի ցաւակցագիրը Յորդանանի մէջ ողողումներուն հետեւանքով արձանագրուած զոհերուն ի լուր:

Սրբազան Հօր խորին տխրութիւնը Յորդանանի մէջ բնական աղէտի թիրախ զոհերուն ի լուր:

 Այս օրերուն,  Յորդանանի մէջ տեղատարափ անձրեւներէն պատճառուած , ողողումներուն հետեւանքով արձանագրուած զոհերուն ի լուր, Վատիկանի Պետական քարտուղար Կարդինալ Փիեթրօ Փարոլինհ,  շաբաթ, հոկտեմբեր 27-ին, ցաւակցական հեռագիր մը յղեց Յորդանանի մէջ Պապական նուիրակ՝ Գերապայծառ Ալպերթօ Օրթեկային:

Հեռագիրին մէջ գրուած է. «Ֆրանչիսկոս Պապ խոր վիշտով իմացաւ Յորդանանի մէջ տեղատարափ անձրեւներէ պատճառուած ողողումներու հետեւանքով արձանագրուած մարդկային զոհերուն եւ վիրաւորներուն տխուր լուրը: Ան իր անկեղծ զօրակցութիւնը կը յայտնէ բնական աղէտին թիրախ բոլոր տուժուածներուն: Սրբազան Հայրը , յատուկէն կ՝աղօթէ երիտասարդ զոհերուն համար: Ան պաա շուտափոյթ ապաքինում կը մաղթէ վիրաւորներուն եւ սփոփանք տառապողներուն:

Ֆրանչիսկոս Սրբազան Պապը քաջալերելով քաղաքացիական իշխանութիւններն եւ որոնաղական փրկարար աշխատանքներու մէջ ներգրաւուած անձերը, Աստուածային խաղաղութեան եւ զօրութեան պարգեւները կը հայցէ բոլորին վրայ»:

27/10/2018, 12:00