Վատիկանի մէջ մեկնարկեց քահանայապետին խորհրդատու ինը կարդինալներու ժողովը
Վազգէն Աբարդեան - Վատիկան
Երկուշաբթի, 15 ապրիլին, Վատիկանի մէջ Ֆրանչիսկոս Պապին ներկայութեամբ մեկնարկեց քահանայապետին խորհրդատու ինը կարինալներու խորհուրդի ժողովովը։ Լուրը հաղորդեց, Սուրբ Աթոռի մամլոյ գրասենեակը։
Ինը կարդինալներու նախորդ ժողովը տեղի ունեցաւ անցեալ փետրուարին ու այդ ժողովին իրենց մասնակցութիւնը բերին երեք կիներ՝ կարդինալներուն եւ քահանաապետին առաջարկելու համար իրենց ներդրումը եկեղեցւոյ մէջ կնոջ դերի թեմայով։
Ինը կարդինալներու խորհուրդը, անցեալ 7 մարտ 2023ին, ֆրանչիկոս Պապին կողմէ վերանորոգուելէ ետք կազմուած է հետեւեալ կարդինալներէ. Վատիկանի Պետական քարտուղար, կարդինալ Փիեթրօ Փարոլին, Վատիկանի քաղաքի պետական քահանայապետական յանձնաժողովի նախագահ, կարդինալ Կարդինալ Ֆերնանտօ Վէրկէ Ալզակա, Քինշասայի արքեպիսկոպոս, կարդինալ Ֆրիտոլին Ամպոնկօ Պէսունկու, Փոմպէի արքեպիսկոպոս, կարդինալ Օսվալտ Կրասիաս, Պոսթոնի արք, կարդինալ Սին Փաթրիք Օ Մալէյ, Պարսելլոնայի արք, Կարրդինալ Խուան Խօսէ Օմելլա Օմելլա, Քէպէքի արք, կարդինալ Ժերարտ Լաքրուա, Լուքսամպուրկի արք, կարդինալ Ժան Քլոտ Հոլլերէիխ, Պահիայ Սան Սալվատորի արք, կարդինալ Սէրճօ Տա Ռոքա։ Ինը խորհրդատու կարինալներուն խորհուրդին քարտուղարն գերապայծառ Մարքօ Մելլինօնի։
Նշենք որ խորհրդատու ինը կարդինալներու խորհուրդը հիմնած է Ֆրանչիսկոս Պապը 28 սեպտեմբեր 2013ին ինքնագիր նամակով մը։ Խորհուրդի պարտականութիւնն է օգնել քահանայապետին տիեզերական եկեղեցւոյ կառավարման գործին մէջ եւ ուսումնասիրել Հռոմի քուրիայի վերանայման նախագիծը ու այս վերջինը իրականացուեցաւ Praedicate Evangelium առաքելական սահմանադրութեամբ, հրապարակուած 19 մարտ 2022ին։ Ինը խորհրդատու կարդինլաներուն խորհուրդի առաջին ժողովը գումարուած է մէկ հոկտեմբեր 2013ին։
Շնորհակալութիւն յօդուածը ընթերցելուն համար։ Եթէ կը փափաքիս թարմ լուրեր ստանալ կը հրաւիրենք բաժանորդագրուիլ մեր լրաթերթին` սեղմելով այստեղ
