Ֆրանչիսկոս Պապ. Աղօթենք ստրկութեան պայմաններու մէջ ապրող երեխաներու համար

Վազգէն Աբարդեան - Վատիկան

Այսօր՝ 16 ապրիլին, կը նշուի երեխաներու ստրկութեան դէմ միջազգային օրը, որ խթանուած է Քրիստոնէական մշակութային շարժումի նախաձեռնութեամբ։ Ապրիլ 16-ը կը յիշատակէ 12 ամեայ Փաքիստանցի Իքպալ Մասիհի սպանութիւնը, որ մահացած է 1995ին, երեխաները աշխատանքային շահագործումէն պաշտպանելու փորձ կատարելու համար։

Երեխաներու ստրկութեան դէմ միջազգային օրուան առիթով, Ֆրանչիսկոս Պապ գրառումով մը հրաւիրեց աղօթելու ստրկութեան պայմաններու մէջ ապրող մեծ թիւով մանուկներու համար նշելով, որ ամէն մէկ անտեսուած եւ լքուած մանուկ դէպի Աստուած բարձրացող աղերս է