Քահանայապետին առողջութիւնը կը լաւանայ` Մարեմեան աղօթքը Տոմուս Սանթա Մարթայէն

Ռոպէր Աթթարեան - Վատիկան

Սուրբ Աթոռի մամլոյ գրասենեակի տնօրէն Տիար Մաթթէսօ Պրունի շաբաթ 2 դեկտեմբերին «Telegram» ընկերային ցանցին վրայ կատարած գրառումին մէջ նշեց, որ Ֆրանչիսկոս Պապին առողջական վիճակը բարելաւման մէջ է, ու թէ Ան ջերմութիւն չունի ու կը շարունակէ համապատասխան բուժման ընթացքը։

Ջերմաստիճանի յանկարծակի փոփոխութիւններէ խուսափելու համար Ֆրանչիսկոս Պապը վաղը առաւօտեան Հրեշտակ Տեառն Մարեմեան աղօթքը պիտի արտասանէ ուղիղ եթերով` կապուելով Տոմուս Սանթա Մարթայէն:

Աղօթքը ուղիղ եթերով կը հեռարձակուի հեռուստատեսութեամբ և Սուրբ Պետրոսի հրապարակի պաստառներէն, Vatican Media-ի և Vatican News կայքի հեռարձակումներով :