Ֆրանչիսկոս Պապ. «Եթէ երիտասարդ մը անշարժ մնայ կը ժանգոտի»

Վազգէն Աբարդեան - Վատիկան

Երկուշաբթի, 23 հոկտեմբերին, Վատիկանի Պօղոս Զ դահլիճէն ներս, Ֆրանչիսկոս Սրբազան Քահանայապետը հարցազրոյցի մը ընթացքին հակիրճ պատկերասփռուած պատգամ մը յղեց յառաջիկայ 25 նոյեմբերին, Էլ Սալվատորի Սրբուհի Անա քաղաքին մէջ կայանալիք երիտասարդներու ազգային օրուան հաւաքի մասնակիցներում։

Արդարեւ , Էլ Սալվատորէն խումբ մը երիտասարդներ, ծխականներ եւ հասարակութիւններ տարածեցին Ֆրանչիսկոս Սրբազան Քահանայապետին պատկերասփռուած պատգամ, որուն մէջ ըսաւ

«Կը կարծեմ, թէ 25 նոյեմբերին կը նշուի Էլ Սալվատորի երիտասարդաց օրը, մի՛ մնաք տան մէջ գացէ՛ք, շարժեցէ՛ք,  որովհետեւ երիտասարդ մը եթէ անշարժ մնայ կը ժանգոտի եւ շատ տխուր է տեսնել ժանգոտած երիտասարդ մը, քաջութիւնը ունեցէք ու գացէք մասնակցեցէք։ Չիաօ»։

Նշենք ,թէ Էլ Սալվատորի մէջ երիտասարդներու ազգային օրուան բնագիրն է «Յոյսի մէջ ուրախ, ուղեւորութեան մէջ Տիրամայրը մեզի կ՝ընկերանայ»։