Որոնել

Vatican News
Քահանայապետին հանդիպումը իր հետ ճամբորդող լրագրողներուն հետ Քահանայապետին հանդիպումը իր հետ ճամբորդող լրագրողներուն հետ  (AFP or licensors)

Քահանայապետին ողջոյնի խօսքը իր հետ ճամբորդող լրագրողներուն. կ՛երթանք տանելու Աստուծոյ Խօսքը։

Սրբազան Պապը յիշեց թէ այս վերջին ճամբորդութիւնն է Ալիթալիա ընկերութեան հետ

Ռոպէր Աթթարեան - Վատիկան

Հռոմէն Պուտաբեշտ թռիչքի ընթացքին Ֆրանչիսկոս Պապը սովորութեան համաձայն ուզեց ողջունել ու բարի աշխատանք մաղթել իր հետ ճամբորդող լրագրողներուն) որոնց թիւը 78 է եւ որոնց շարքին ութն կը պատկանին Սրբազան Պապին այցելելիք երկու երկիրներուն։

Իր խօսքին մէջ Քահանայապետը նախ նշեց թէ այս ճամբորդութիւնը ունի հրաժեշտի «համ», «որովհետեւ քահանայապետական ծիսակատարութիւններու արարողապետը մեզ պիտի լքէ, որովհետեւ դարձաւ եպիսկոպոս։ Մեզ պիտի թողու նաեւ «պահի բռնապետը» որովհետեւ ան եւս եպիսկոպոս դարձաւ ու իր տեղը պիտի լքէ Գերապայծառ Ճորճոյին որ հնդիկ է ու մշտապէս կը ժպտի։ Պիտի ըլլայ ժպիտով բռնապետ մը։ Մեզ կը թողու նաեւ Ալիթալիա ընկերութիւնը….շատ են հրաժեշտները բայց այսօր կը վերսկսինք ճամբորդութիւնները եւ այս մէկը շատ կարեւոր է, որովհետեւ պիտի երթանք այնտեղ տանելու Խօսքը ու բազմաթիւ մարդոց պիտի տանինք ողջոյնը» ըսաւ Սրբազան Քահանայապետը շնորհակալութիւն յայտնելով Գերապայծառ Տիէօտոննէին որ Քահանայապետական Ճամբորդութիւններու կազմակերպիչն էր ապա Գերապայծառ Ճորճոյին որ գերապայծառ Տիէօտոննէի տեղը պիտի առնէ, «ժպիտով բռնապետը», ու շնորհակալութիւն նաեւ գերապայծառ Մարինիին, որ մինչեւ օրս եղած էր Քահանայապետական ծիսակատարութիւններու արարողապետը ու ի վերջոյ շնորհակալութիւն բոլորին եւ Ալիթալիային «որ մեզի ընկերացաւ մինչեւ այսօր» ըսաւ Սրբազան Պապը յիշելով եւ յիշեցնելով նաեւ բացակայ լրագրողները ապա մէկիկ մէկիկ ողջունեց ներկաները։

 

 

12/09/2021, 08:30