Որոնել

Vatican News
Սուրբ Կոյս Մարիամ Աստուածածինը Սուրբ Կոյս Մարիամ Աստուածածինը  

Սրբազան Քահանայապետի ուղերձը Մարիամագիտական 25 -րդ համագումարի մասնակիցներին։

Պապը ասել է նաեւ, որ պէտք է ծնել նոր աշխարհ, որտեղ մենք բոլորս եղբայրներ ենք, ուր մերժուած իւրաքանչիւր անձին տեղ կայ։
Ունկնդրէ լուրը

Վատիկան Նիուզ

Ֆրանչիսկոս Պապը այսօր՝ սեպտեմբերի 8-ին ողջունել եւ իր ուրախութիւնն է արտայայտել «Մարիամն աստուածաբանութիւնների և մշակոյթների միջև այսօր» թեմայով Մարիամագիտական 25-րդ համագումարի բացման առիթով՝ մասնաւորապէս նշելով, որ «իսկական ուրախութիւնը գալիս է Տիրոջից, ով միշտ տեղ է տալիս մոռացուածների ձայնին, որպէսզի նրանց հետ միասին կարողանանք կառուցել աւելի լաւ ապագայ: Մարիամը, աւետարանական շարքի գեղեցկութեամբ և մարդկութեան և մոլորակի ընդհանուր բարիքին ծառայելով, դաստիարակում է միշտ լսել այս ձայները, և նա ինքն է դառնում ձայնազուրկների ձայնը։»

Բոլորս եղբայրներ ենք

Պապը ասել է նաեւ, որ պէտք է ծնել նոր աշխարհ, որտեղ մենք բոլորս եղբայրներ ենք, ուր մերժուած իւրաքանչիւր անձին տեղ կայ։

Մասնաւորապէս «…Տիրամայրը յատուկ ներկայութիւն ունի սահմանների վրայ. Նա բոլորի Մայրն է` անկախ էթնիկական խմբից կամ ազգութիւնից: Մարիամի կերպարը դառնում է յղում այն ​​մշակոյթի համար, որն ի վիճակի է յաղթահարել պատնէշները, որոնք բաժանում են յառաջացնում: Ուստի, եղբայրութեան այս մշակոյթի ճանապարհին, Հոգին մեզ կանչում է նորովի ողջունելու մխիթարութեան և հաստատ յոյսի նշանը, որն ունի Մարիամի` կնոջ, աշակերտի, մօր և ընկերոջ անունը, դէմքը և սիրտը:

Մարիամը խօսում և մտածում է Աստծոյ Խօսքի հետ

«Այն առեղծուածը, որն իր մէջ պարունակում է Մարիամի անձը, Աստծոյ մարմնացած Խօսքի առեղծուածն է: Այստեղից սկսուեց Պենետիկտոս Պապի քաջալերանքը. «Ես կոչ եմ անում [...] գիտնականներին աւելի խորացնել Մարիամագիտութեան և Խօսքի աստուածաբանութեան կապը: […]» ասել է Ֆրանչիսկոսը եւ շեշտել, որ Մարիամը խօսում և մտածում է Աստծոյ Խօսքի հետ։

Աւարտին Ֆրանչիսկոս Պապը շնորհակալութիւն է յայտնել Քահանայապետական ​​«Mariana Internationalis» ակադեմիային, ով աւելի քան վաթսուն տարուայ գործունէութեան ընթացքում համակարգել և համախմբել է ամբողջ աշխարհի մարիամագետներին, Համագումարը պատրաստելու և կազմակերպելու համար, ինչը անհրաժեշտ է մշակոյթների միջև երկխօսութեան, ինչպէս նաեւ եղբայրութիւն և խաղաղութիւն սնուցելու համար։

08/09/2021, 15:00