Կաթողիկէ դաստիարակութեան միջամերիկեան համագումարը ուղղուած Քահանայապետական պատգամ։

Ռոպէր Աթթարեան - Վատիկան

Սանթիակօ Տէ Չիլէի մէջ այս օրերուն տեղի կ՛ունենայ Կաթողիկէ դաստիարակութեան միջամերիկեան 26-րդ համաժողովը, որուն առթիւ Վատիկանի Պետական քարտուղար՝ Կարդինալ Փիեթրօ Փարոլինը Ֆրանչիսկոս Պապին անունով պատգամ մը ուղղեց ժողովականներուն, որուն մէջ նշեց որ «Քահանայապետը կը քաջալերէ անոնք որոնք կաթողիկէ դպրոցներու ներքոյ պատասխանատուութիւններ ստանձնած են, խորհրդածելու մարտահրաւէրներու մասին, խթանելու համար իսկական հանդիպումի մը մշակոյթը, որպէսզի մեր ժամանակներուն համար կարելի ըլլայ յոյսի եւ վստահութեան առաջարկ մը։

Համագումարի բացումը կատարուեցաւ անցեալ 8 յունուարին ու անոր աւարտը նախատեսուած է 12 յունուարին։