Ֆրանչիսկոս Պապ ընդունեց շարժապատկերի գործաւորներուն կաթողիկէ ընկերակցութեան անդամները:
Շաբաթ, 7 դեկտեմբերին, Վատիկանի մէջ ֆրանչիսկոս պապ ընդունեց շարժապատկերներու գործիչներու կաթողիկէ ընկերակցութեան անդամները, որոնց ընկերացած էր Եւրոպայի համահաւաք դասի քարտուղարը:
Արտասանած խօսքին մէջ Սրբազան Հայրը շնորհաւորեց կաթողիկէ ընկերակցութեան անդամներն ու Իտալական եկեղեցիէն ներս շարժապատկերներով զբաղող կազմակերպութիւնները, շարժապատկերներուն ընկերակցութեան հիմնադրութեան 70-րդ տարեդարձին առիթով, նկատել տալով որ այդ հանդիսութիւնը առիթ է, վերանորոգելու 70 տարին առաջ առնուած յանձնառումները :
Ֆրանչիսոկս Պապ ապա շարժապատկերի աշխատանքի շրջագիծէն ներս թելադրեց երեք կէտեր: Հաղորդութիւն, ստեղծագործութիւն, եւ տեսութիւն:
Հաղորդութիւն, ան նշեց որ Քրիստոնեաներս կանչուած ենք յայտնելու հաւատացեալներուն ինքնութիւն բնորոշող հաղորդութիւնը: Հաւատքը, ինքնին հաղորդութիւն , յարաբերութիւն եւ հանդիպում է: Խրախուսած Աստուծոյ սէրէն կրանանք հաղորդել, ընկալել եւ հասկնալ ուրիշին պարգեւը:: ֆրանչիսկոս պապ հրաւիրեց ընկերակցութեան անդամները կառուցելու իրենց միջեւ ինչպէս նաեւ այլ շարժապատկերով զբաղող կազմակերպութիւններուն միջեւ հաղորդութիւնը սփռելու համար՝ միասնական աշխատանքի գեղեցկութիւնը
Ստեղծագործութիւնը: Որեւէ արուեստական աշխատանք պտուղն է ստեղծագործութեան, ուր կը յայտնաբերուի մարդ էակի եզակիութիւնը, ներքին աշխարհն ու դիտաւորութիւնը: Ֆրանչիսկոս Պապ քաջալերեց տեղ տալ ստեղծագործութեան, երեւակայելով եւ կառուցելով նոր գործընթացներ:
Խրախուսեց համակերպիլ ժամանակից աշխարհի արագընթաց փոփոխութիւններուն, թեքնիքական եւ թուայնաին փոփոխութիւններուն միասնական հոգիով եւ ընկերակցութեան հիմնադիրներուն միեւնոյն քաջութեամբ: Խօսելով տեսութեան մասին, Ֆրանչիսկոս Պապ նկատել տուաւ որ շարժապատկեր մը դիտելու ժամանակ մարդու հոգիին մէջ կը յառաջանան տարբեր զգացումներ: Ան յորդորեց շարժապատկերներուն գործաւորները աշխատելու եկեղեցական ոճով:
Նորին Սրբութիւն պատգամը աւարտեց Տիրոջմէ հայցելով որ օգնէ ընկերակցութեան անդամներուն, անոնց հաղորդութեան ստեղծագործութեան եւ ուշադիր հայեացք ունենալու ուղեւորութեան մէջ:
Շնորհակալութիւն յօդուածը ընթերցելուն համար։ Եթէ կը փափաքիս թարմ լուրեր ստանալ կը հրաւիրենք բաժանորդագրուիլ մեր լրաթերթին` սեղմելով այստեղ
