Սուրբերու Դատի Ժողովին հայող Քահանայապետական հրամանագիրեր։

Ռոպէր Աթթարեան  - Վատիկան

 5 Յուլիս 2019-ին Ֆրանչիսկոս Սրբազան Քահանայապետը ունկնդրութիւն շնորհեց Սուրբերու Դատի Ժողովի կառավարիչ՝ Կարդինալ Անճելօ Պեչչուին ու հանդիպման ընթացքին վաւերացուց Ծիրանաւորի կողմէ ներկայացուած՝ Սուրբերու Դատերուն հայող հրամանագիրեր որոնց շարքին սուրբերու դասին մէջ դասեց «Մարտիրոսներու  Պարթոլոմէի» Երանելին որ եղած է Պրակայի Արքեպիսկոպոս, ծնած Լիզպոն՝ 3 մայիս 1514ին ու մահացած Վիանա Տօ Քասթելոյի մէջ՝ 16 յուլիս 1590-ին։

Սրբազան Պապը վաւերացուց ապա Աստուծոյ ծառայ Ֆուլթոն Շինի՝ Նիուփորթի Արքեպիսկոպոսին վերագրուած հրաշքը։ Ան ծնած էր 8 մայիս 1895-ին ԱՄՆ-ի Իլլինոյս նահանգի Էլ Փազօ քաղաքին մէջ ու մահացած 9 դեկտեմբեր 1979-ին Նիու Երոքի մէջ։

Մինչ «հերոսական առաքինութիւններով» ճանչցուած Աստուծոյ ծառաներու եւ աղախիններու շարքին  Քահանայապետը դասեց.

-         Լիբանանցի Էլիա Հայէքը՝ Մարոնիթներու երբեմնի Պատրիարք եւ Սուրբ Ընտանիք Մարոնիթներու իգական միաբանութեան հիմնադիրը,  ծնած Հելթա՝ 4 դեկտեմբեր 1843-ին ու մահացած Պքերքէի մէջ՝ 24 դեկտեմբեր 1931-ին։

-         Իտալացի Ճովաննի Վիթթորիօ Ֆերրօ՝ Ռեճճօ Քալապրիա – Պովա թեմին երբեմնի առաջնորդ, ծնած 13 նոյեմբեր 1901 ու մահացած 18 ապրիլ 1992-ին։

-         Սպանացի Անճելո Ռիեսքօ Քարպայօ,  Գթութեան Միսիոնարներու հաստատութեան հիմնադիր ու Լիմիզա թեմին առաջնորդ։ Ծնած 9 Յուլիս 1902-ին , մահացած 2 Յուլիս 1972-ին։

-         Լեհ թեմական քահանայ ՝ Լատիզլաւ Քորնիլովիչ. Ծնած 5 օգոստոս 1884 ու մահացած 26 սեպտեմբեր 1946-ին։

-         Իտալացի Քափուչիններու կրցեր եղբայրներու անդամ Անճելիքօ Լիբանի, Տիրոջ Ֆրանչիսկեան Քոյրերու միաբանութեան հիմնադիր։ Ծնած 28 դեկտեմբեր 1842-ին ու մահացած 9 Յուլիս 1920-ին։

-         Ֆիլիփինցի կուսան՝ Սուրբ Հոգւոյն Ֆրանչեսքա, հիմնադիրը Սիենայի Սրբուհի Կատարինէի Տոմինիքեան մայրապետներու միաբանութեան. Ծնած 1647-ին ու մահացած 24 օգոստոս 1711-ին։

-         Հուսկ Ֆրանսացի աշխարական Սթէֆան Փիէռ Մորլանը, որ եղած է Մայրական Գթութեան Քոյրերու միաբանութեան հիմնադիրը։ Ծնած 22 մայիս 1772-ին ու իր մահկանացուն կնքած 7 Յունուար 1862-ին։