Տօն Սուրբ Ղեւոնդեանց Քահանայից
Այսօր Սուրբ Ղեւոնդեանց Քահանայից Տօնն է, որոնք Սուրբ Վարդանանց հետ մասնակցեցան Աւարայրի ճակատամարտին և իրենց սրբազնագոյն վարքով ապացուցեցին, որ Մահ իմացեալ Անմահութիւն է:
Անոնց միջեւ Հոգիով աւագը Ղևոնդ երէցն էր, որ լի Սուրբ Հոգիով՝ հայ քաջերուն, նախարարներուն և քահանաներուն խանդավառեց, ոգեշնչեց՝ քաջութեամբ մարտնչելու թշնամիներուն դէմ և աներկիւղ կերպով իրենց անձերը, ի Սէր Քրիստոսի, զոհելու յանուն Հայրենիքի եւ Հայ Եկեղեցւոյ:
Նահատակուած մեր Սուրբ Քահանաներու բարեխօսութեամբ թող խաղաղութեան և ճշմարտութեան Աստուած բնակուի Քրիստոսի լոյսը տարածող հոգևոր դասին մէջ, որպէսզի անոնք Սուրբ Ղեւոնդեանց Հոգիով լցուած, Սուրբ Աւետարանի լոյսը սփռեն Հայ Ազգի բոլոր զաւակներուն ու անոնց ընտանիքներուն վրայ։
Մեծապատիւ այս Տօնի առիթով Աստուածառաք խաղաղութիւն, բազում շնորհներ և Սուրբ Հոգիի լիութիւն Հայոց Քահանայից Դասին՝ այսօր, միշտ և յաւիտեան: Ամէն:
Շնորհակալութիւն յօդուածը ընթերցելուն համար։ Եթէ կը փափաքիս թարմ լուրեր ստանալ կը հրաւիրենք բաժանորդագրուիլ մեր լրաթերթին` սեղմելով այստեղ
