Որոնել

Vatican News
Սուրբ Ղազար կղզին Սուրբ Ղազար կղզին 

Սարկաւագական ձեռնադրութիւն Մխիթարեան միաբանութեան Ս. Ղազար մայրավանքին մէջ

Սարկաւագութեան կարգը պիտի ընդունի Եղբ. Կորիւն Ճէնանեան, ձեռամբ Թուրքիոյ Հայ Կաթողիկէ Եկեղեցւոյ Առաջնորդ և Մխիթարեան Միաբանութեան Քահանայապետական Պատուիրակ՝ Գերպ. Տէր Լեւոն Արք. Զէքիեանի:

Կիրակի 28 Փետրուար 2021, առաւօտեան ժամը 11:00ին, Մխիթարեան Միաբանութեան մայրավանք Ս. Ղազար կղզիի եկեղեցւոյ մէջ, յընթացս Սուրբ և Անմահ Պատարագին, սարկաւագութեան կարգը պիտի ընդունի Եղբ. Կորիւն Ճէնանեան, ձեռամբ Թուրքիոյ Հայ Կաթողիկէ Եկեղեցւոյ Առաջնորդ և Մխիթարեան Միաբանութեան Քահանայապետական Պատուիրակ՝ Գերպ. Տէր Լեւոն Արք. Զէքիեանի:

Եղբ. Կորիւն Ճէնանեան ծնած է Պէյրութ, Լիբանան, 26 Յունիս 1995ին, նախնական ուսումները ստացած է Սրբոց Քառասնից Մանկանց ազգային վարժարանին մէջ, ապա 24 Յունիս 2007ին մտնելով Պիքֆայայի Մխիթարեան Դպրեվանքը, յաճախած է դպրեվանքի վարժարանը և հուսկ  Զալքայի Հարպոյեան երկորդական բարձրագոյն վարժարանը, ուրկէ շրջանաւարտ եղած է  2013 ին: 

Յաջորդաբար, յաճախած է Քասլիքի USEK Լիբանանեան Մարօնի Միաբանութեան Քահանայապետական համալսարանը ուր բոլորած է փիլիսոփայութեան և աստուածաբանութեան հնգամեայ դասընթացքը և  2018 ին ստացած է իր «Պի Էյ» վկայականը:

2016էն  2018, հետեւած է հաշուպահական դասընթացքներու Մեսրոպեան Արուեստից վարժարանին մէջ և 2018էն 2019 Project Management & Social Emotional Intelligence ի դասապահերուն, վկայուելով Պէյրութի Հայկազեան համասարանէն:

2012էն եղած է Հ. Մեսրոպ Թ. Ծ. Վրդ. Սիւլահեանի օգնական, իսկ 2016էն սկսեալ մօտէն հետեւած և աշխատած է Ռաուտայի նորակառոյց Մխիթարեան վարժարանի շինարարական, կազմակերպչական և ուսումնական աշխատանքներուն:

15 Դեկտեմբեր 2019ին իրականացնելով իր երկար տարիներու երազն ու սրտի փափաքը, ժամանած է Ս. Ղազար Մայրավանք՝ անդամակցելու համար Մխիթարեան Միաբանութեան:

27/02/2021, 06:00