Որոնել

Vatican News
Ռայի Պատրիարքը Ռայի Պատրիարքը 

Ռայի Պատրիարքը կոչ ուղղեց փտածութեան դէմ պայքարին եւ բարեկարգումներ կատարելու առումով համագործակցութեան։

Ռայի պատրիարքը վերահաստատեց իր այն կեցուածքը, թէ Լիբանան պէտք է ըլլայ Արեւելքը Արեւմուտքին կապող կամուրջը` տնտեսական եւ մշակութային իմաստով:

Մարոնի համայնքի Պշարա Ռայի պատրիարքը երէկ Տիմանի մէջ նախագահեց կիրակի օրուան պատարագին, որուն ընթացքին իր արտասանած քարոզին մէջ հաստատեց, որ կառավարութիւնը երկփեղկումի մթնոլորտէն պէտք է ձերբազատի:

«Կոչ կ՛ուղղենք փտածութեան դէմ պայքարին եւ բարեկարգումներ կատարելու առումով համագործակցելու, սկսեալ ելեկտրականութեան ոլորտի բարելաւումէն», ըսաւ Ռայի պատրիարքը:

Ռայի պատրիարքը վերահաստատեց իր այն կեցուածքը, թէ Լիբանան պէտք է ըլլայ Արեւելքը Արեւմուտքին կապող կամուրջը` տնտեսական եւ մշակութային իմաստով:

Նշենք, որ Ռայի պատրիարքը շաբաթավերջին ընդունեց նախկին նախարար Աշրաֆ Ռիֆին, որուն հետ քննարկեց երկրին իրադարձութիւնները: Հանդիպումէն ետք Ռիֆի յայտնեց, որ Ռայի պատրիարքին կողմէ չէզոքութեան յայտարարութիւնը իրենց պահանջն է: «Մեր գոյութիւնը վտանգի ենթակայ է, իսկ լուծումը չէզոքութիւնն է», հաստատեց Ռիֆի:

Ռայի պատրիարքին այցելեց նաեւ Փաղանգաւոր կուսակցութեան ղեկավար, երեսփոխան Սամի Ժեմայէլ, որ յայտնեց, թէ Լիբանանի պաշտպանութեան միակ միջոցը չէզոքութիւնն է:

Քաղուած «Ազդակ» էն

27/07/2020, 07:26